Bigg Boss: பிக்பாஸ் ஒளிப்பரப்பு நேரத்தை மாற்றிய தொலைகாட்சி: காரணம் இதுதான்..!!

கடந்த ஜூன் 17ம் தேதி முதல் இரவு 9 மணிக்கு ஒளிபரப்பாக தொடங்கிய பிக்பாஸ் சீசன் 2 வரும் 24ம் தேதி முதல் புதிய நேரத்தில் ஒளிப்பரப்பாகவுள்ளது.

மும்தாஜ், ’தாடி’ பாலாஜி, மகத், ஜனனி, ரித்விகா, டேனி உள்ளிட்ட பிரபலமான 16 பேருடன் தொடங்கிய நிகழ்ச்சி பிக்பாஸ் சீசன் 2. கடந்த சீசனை போலவே இந்த புதிய சீசனையும் கமல்ஹாசன் தொகுத்து வழங்கி வருகிறார்.

16 பேருடன் ஆரம்பமான இந்த நிகழ்ச்சி 94 நாட்களை கடந்து 6 போட்டியாளர்களுடன் ஒளிப்பரப்பாகி வருகிறது. முன்னதாக 100 நாட்கள் மட்டுமே ஒளிப்பரப்பாக திட்டமிடப்பட்டிருந்த நிலையில் பிக்பாஸ் 2 நிகழ்ச்சி மேலும் 5 நாட்கள் நீட்டிக்கப்பட்டுள்ளது.

இந்நிலையில் செப்டம்பர் 24 முதல் பிக்பாஸ் 2 இரவு 9.30 மணிக்கு ஒளிப்பரப்பாகவுள்ளது. அன்று முதல் புதிய தொடரின் ஒளிபரப்பு தொடங்கவுள்ளதால், கடைசி ஒரு வாரம் மட்டும் செப்டம்பர் 24 முதல் 30 வரை பிக்பாஸ் 2 நிகழ்ச்சி இரவு 9.30-க்கு மாற்றப்பட்டுள்ளது.