Bigg Boss 6: பிக் பாஸ் 6ல் இந்த இளம் ஹீரோவை வைத்து தான் காதல் டிராக்கா?

பிக் பாஸ் நிகழ்ச்சியின் 6வது சீசன் விரைவில் துவங்கவிருக்கிறது. இந்த சீசனையும் உலக நாயகன் கமல் ஹாசன் தான் தொகுத்து வழங்கவிருக்கிறார். இந்த சீசனில் பிக் பாஸ் மேடையில் ஆண்டவர் என்னவெல்லாம் பேசப் போகிறார் என்பதை பார்க்க பார்வையாளர்கள் ஆவலுடன் காத்துக் கொண்டிருக்கிறார்கள். இந்நிலையில் இளம் ஹீரோ ஒருவர் பற்றி பேச்சு கிளம்பியிருக்கிறது.

குக் வித் கோமாளி நிகழ்ச்சி மூலம் பிரபலமான அஸ்வின் குமார் கோலிவுட்டில் ஹீரோவாகிவிட்டார். இந்நிலையில் அவர் பிக் பாஸ் 6 வீட்டிற்கு செல்லக்கூடும் என்று பேச்சு கிளம்பியிருக்கிறது. அஸ்வின் மட்டும் பிக் பாஸ் நிகழ்ச்சியில் கலந்து கொண்டால் இந்த சீசனில் அவரை வைத்து தான் காதல் கதையை ஓட்டுவார்கள் என்கிறார்கள் பார்வையாளர்கள்.

பிக் பாஸ் 6 வீட்டிற்கு செல்லும் போட்டியாளர்களில் இதுவரை 5 பேர் மட்டுமே உறுதி செய்யப்பட்டுள்ளனர். அதனால் அஸ்வினின் பெயர் இறுதிப் பட்டியலில் வந்தால் மட்டுமே நம்பலாம். பிக் பாஸ் நிகழ்ச்சி துவங்கும் வரை இவர் தான் போட்டியாளர், அவர் தான் போட்டியாளர் என்று யார் பெயராவது அடிபடுவது வழக்கமாகிவிட்டடது.

பிக் பாஸ் நிகழ்ச்சி ஆரம்பித்த காலத்தில் இருந்தே ஒவ்வொரு சீசன் துவங்கும் முன்பும் பிரபல டிவி நிகழ்ச்சி தொகுப்பாளினியான டிடி கலந்து கொள்கிறார் என்று தகவல் வெளியாவது வழக்கமாகிவிட்டது. டிடியும் அதை கண்டுகொள்வது இல்லை. இந்த சீசனில் டிடி கலந்து கொள்கிறார் என்று பேசப்படுகிறது. ஆனால் அது வெறும் வதந்தி என்று நம்பப்படுகிறது.