Bigg Boss Episode 29: ’நைனா ஓ நைனா...’சாண்டியின் நடவடிக்கையால் கலகலத்த பிக்பாஸ் வீடு

பிக்பாஸ் வீட்டுக்குள் இருந்த மூத்த போட்டியாளர்களில் ஒருவரான மோகன் வைத்தியா நேற்று வெளியேற்றப்பட்டார். இது சாண்டி, கவின் ஆகியோருக்கு மிகவும் வருத்தமளித்தது. இன்றைய நிகழ்ச்சி தொடங்கியதில் இருந்தே அவர் குறித்த நினைவிலைகள் நிகழ்ச்சி முழுவதும் இருந்தது.

அதை தொடர்ந்து நடைபெற்ற எலிமினேஷன் நாமினேஷனில் மீரா மிதூன், சாக்‌ஷி, கவின், சரவணன், சேரன் ஆகியோர் பரிந்துரைக்கப்பட்டனர். அதில், அதிகம்பேர் சாக்‌ஷியை பரிந்துரைத்தனர். அதை தொடர்ந்து பிக்பாஸ் போட்டியாளர்களுக்கு டாஸ்க் வழங்கப்பட்டது.

‘பாட்டுப் பாடவா பார்த்துப் பேசவா’என்ற அந்த டாஸ்கில் சீட்டில் வழங்கப்பட்டுள்ளன வசனம் மற்றும் பாடலை பாடி, போட்டியாளர்களில் ஒருவருக்கு சமர்ப்பிக்க வேண்டும். அந்தவகையில் கவின் பாடிய பாடல் மற்றும் வசனத்தை சாக்‌ஷிக்கு சமர்ப்பித்தார். அதை தொடர்ந்து சாக்‌ஷி தனக்கு கிடைத்த சீட்டில் இருந்த பாடலையும், வசனத்தையும் கவினுக்கு சமர்ப்பித்தார்.

இதற்கிடையில் மோகன் வைத்தியா போல உடையணிந்து விளையாடிக் கொண்டிருந்த சாண்டி, அவருடைய பாவனைகளை அழகாக செய்து நிகழ்ச்சியை மிகவும் நகைச்சுவையாக்கினார். இதனால் பிக்பாஸ் வீடே கலகலப்பாக இருந்தது. ‘நைனா ஓ நைனா’ என்ற பாடலை பாடி கவினும், சாண்டியும் மோகன் வைத்தியா நினைவலைகளை நிகழ்ச்சி முழுக்க பேசிக்கொண்டிருந்தனர்.

பழைய கோபங்களை மறந்து லோஸ்லியாவும் கவினும் சகஜமாக பேசிக்கொண்டனர். அது இன்றைய நிகழ்ச்சியில் சுவாரஸ்யமாக அமைந்தது. தவிர, நிகழ்ச்சியின் முடிவில் திடீரென லோஸ்லியாவுக்கும் முகினுக்கும் சின்ன சண்டை எழுந்தது. அதனால் அபிராமி மிகவும் மனவருத்தம் அடைந்தார்.

இறுதியில் முகின், அபிராமியை நேரடியாக சந்தித்து நிலைமையை விளக்கிக் கூறினர். ஆனால் அவருடைய சமாதானத்தை அபிராமி ஏற்றாரா என்பது தெரியவில்லை. ஆனால் இதனால் வரும் நிகழ்ச்சிகளில் அபிராமிக்கும் லோஸ்லியாவுக்கும் பிரச்னை உருவாகும் என்று எதிர்பார்க்கப்படுகிறது.