Bigg Boss 4: சுரேஷ் சக்கரவர்த்திக்கு கவின் ஆதரவு! என்ன கூறியுள்ளார் பாருங்க

பிக் பாஸ் ஷோ துவங்கினாலே சமூக வலைத்தளத்தில் அந்த நிகழ்ச்சி பற்றிய விவாதங்கள் தான் நடந்து வருகிறது. எந்த போட்டியாளருக்கு ஆதரவு அளிக்கிறோம் எனபதை ரசிகர்கள் சமூக வலைத்தளத்தில் தினம்தோறும் பதிவிட்டு வருவதை பார்க்க முடிகிறது. அதனால் சமூக வலைத்தளங்களில் சண்டையும் அதிகம் நடந்துகொண்டு தான் இருக்கிறது.

தற்சமயத்தில் சுரேஷ் சக்ரவர்த்திக்கு ஆதரவாக இருப்பவர்கள் மற்றும் எதிராக இருப்பவர்கள் என இருதரப்பினர் ட்விட்டரில் தொடர்ந்து வாக்குவாதம் செய்து கொண்டு இருக்கிறார்கள்.

இந்நிலையில் கடந்த வருடம் நடந்த பிக் பாஸ் 3ல் போட்டியாளராக கலந்துகொண்ட கவின் தற்போது பிக் பாஸ் 4ல் அவருக்கு பிடித்த போட்டியாளர் சுரேஷ் சக்ரவர்த்தி தான் என்பதை வெளிப்படையாக கூறி இருக்கிறார்.

நேற்று சனம் ஷெட்டி சுரேஷ் சக்ரவர்த்தி தலையில் அடித்து விட்டார் என சொல்லி அவரிடம் சண்டை போட்டார். அப்போது அவர் வாடா போடா என்று கூட மரியாதை இல்லாமல் பேசி இருந்தார். இந்த சம்பவம் பரபரப்பை ஏற்படுத்திய நிலையில், தான் விளையாட்டாக தான் தட்டியதாக சுரேஷ் விளக்கம் அளித்திருக்கிறார். அதற்குப்பின் மன்னிப்பும் கேட்டார்.

இந்த பிரச்சனையில் சுரேஷ் சக்ரவர்த்திக்கு ஆதரவ அளிப்பதாக கவின் பதிவிட்டு இருக்கிறார். "May the force be with you #SureshChakravarthi sir.. !" என தன் ட்விட்டில் கவின் குறிப்பிட்டு இருக்கிறார்.


இப்படி வெளிப்படையாக கவின் பேசி இருப்பதற்கு அவருக்கு பாராட்டுகளும் குவிந்து வருகிறது.

பிக் பாஸ் 3ல் கவின் முக்கிய போட்டியாளராக இருந்தார் என்பது குறிப்பிடத்தக்கது. அவர் பல சர்ச்சைகளில் சிக்கினாலும் அவருக்கு அதிக ஆதரவும் இருந்தது. பிக் பாஸ் நிகழ்ச்சிக்கு பிறகு ஹீரோவாக தற்போது கவின்நடித்து வருகிறார். லிப்ட் என்ற படத்தில் அவர் பிகில் அம்ரிதா அய்யர் உடன் இணைந்து நடித்து இருக்கிறார். அந்த படத்தின் மீது அதிக அளவு எதிர்பார்ப்பு உள்ளது.