பிக் பாஸ் 6
பிக் பாஸ் 6 நிகழ்ச்சி அக்டோபர் மாதம் 9ம் தேதி பிரமாண்டமாக துவங்கும் என்று கூறப்படுகிறது. முந்தைய 5 சீசன்களை போன்றே இந்த சீசனையும் உலக நாயகன் கமல் ஹாசன் தான் தொகுத்து வழங்கவிருக்கிறார். போட்டியாளர்கள் யார், யார் என்பதை தெரிந்து கொள்ள பார்வையாளர்கள் ஆவலாக உள்ளனர். இந்நிலையில் தான் புது தகவல் வெளியாகியிருக்கிறது.
மகா, ரவீந்தர்
அண்மையில் திருமணம் செய்து கொண்ட மகாலட்சுமியும், ரவீந்தர் சந்திரசேகரனும் பிக் பாஸ் 6 வீட்டிற்கு செல்வதாக தகவல் வெளியாகியுள்ளது. ஹனிமூனுக்கு செல்லாமல் பிக் பாஸ் வீட்டிற்கு போகிறார்களா என்று பார்வையாளர்கள் கேள்வி எழுப்பியுள்ளனர்.
Twitter-Imadh
ஸ்ரீநிதி
சிம்புவை காதலிப்பதாகக் கூறிய ஸ்ரீநிதி சுதர்ஷன், பாரதி கண்ணம்மா சீரியல் புகழ் ரோஷினி ஹரிப்ரியன், சூப்பர் சிங்கர் நிகழ்ச்சி புகழ் ராஜலட்சுமி ஆகியோர் பிக் பாஸ் 6 வீட்டிற்கு செல்வது கிட்டத்தட்ட உறுதியாகிவிட்டதாகக் கூறப்படுகிறது. இருப்பினும் அதிகாரப்பூர்வ பட்டியல் வரும் வரை எதையும் நம்ப முடியாது பாஸ்.
வாய்ப்பில்ல
மகாலட்சுமியும், ரவீந்தர் சந்திரசேகரனும் பிக் பாஸ் 6 வீட்டிற்கு செல்ல வாய்ப்பே இல்லை. மாறாக அவர்களை வைத்து ஏதாவது நிகழ்ச்சியை ஒளிபரப்பலாம் என்கிறார்கள் சமூக வலைதளவாசிகள். திருமணமான கையோடு மகாலட்சுமியும், ரவீந்தரும் பிக் பாஸ் வீட்டிற்கு செல்வது அவர்களுக்கு நல்லது இல்லை என்கிறார்கள் பார்வையாளர்கள்.