Bigg Boss Tamil 6: விக்ரமன் பிக்பாஸ் ட்ரோஃபியை இழந்ததற்கு காரணம் இதுதானா? பகீர் தகவல்!
Vikraman: பிக்பாஸ் சீசன் 6 நிகழ்ச்சியில் விக்ரமன் டைட்டிலை இழந்ததற்கான காரணம் குறித்த தகவல் வெளியாகியுள்ளது.
Samayam Tamil23 Jan 2023, 11:40 am
பிக்பாஸ் சீசன் 6 நிகழ்ச்சியில் விக்ரமன் டைட்டிலை இழந்ததற்கான காரணம் குறித்த தகவல் வெளியாகியுள்ளது.
பிக்பாஸ் சீசன் 6
விஜய் டிவியில் கடந்த அக்டோபர் மாதம் 9 ஆம் தேதி தொடங்கிய பிக்பாஸ் சீசன் 6 நிகழ்ச்சி நேற்றுடன் நிறைவடைந்தது. 21 போட்டியாளர்களுடன் தொடங்கிய இந்த நிகழ்ச்சியில் சின்னத்திரை பிரபலங்கள் பலரும் பங்கேற்றனர். பிக்பாஸ் வரலாற்றில் முதல் முறையாக சாமானியர்களில் ஒருவராக யூட்யூப் பிரபலமான தனலெட்சுமி பிக்பாஸ் நிகழ்ச்சியில் பங்கேற்றார். பாடகர்கள், விஜேக்கள் என பலரும் பங்கேற்றனர்.
இவர்களில் வாரம்தோறும் ஒரு எவிக்ஷன் , டபுள் எவிக்ஷன், பணப் பெட்டியுடன் தானாக வெளியேறியவர்கள் என ஒவ்வொரு போட்டியாளராய் வெளியேற கடைசியில் விக்ரமன், அசீம், ஷிவின் ஆகியோர் ஃபைனலிஸ்ட்டுகளாக ஃபினாலேவில் நுழைந்தனர். இந்நிலையில் பிக்பாஸ் நிகழ்ச்சியின் கிராண்ட் ஃபினாலே நேற்று கோலாகலமாக நடைபெற்றது. இதில் சின்னத்திரை நடிரான அசீம் பிக்பாஸ் ட்ரோஃபியை வென்றார்.
அவருக்கு 50 லட்சம் ரூபாய் பரிசுத் தொகையும் மாருதி சுசூகி காரும் பரிசாக வழங்கப்பட்டது. அசீம் பிக்பாஸ் டைட்டிலை வென்றது பலருக்கும் அதிர்ச்சியைதான் ஏற்படுத்தியுள்ளது. ஆசீம் தன்னுடைய வெற்றிக்காக சக போட்டியாளர்களை கேவலமாகவும் தரக்குறைவாகவும் நடத்தினார். இழிவான சொற்களை பேசினார். பார்வையாளர்களை எரிச்சலாக்கி அவர்களின் பிபியை எகிற வைத்தார். பல முறை அசீம்முக்கு ரெட் கார்டு கொடுத்து வெளியேற்றுங்கள் என சமூக வலைதளங்களில் கோரிக்கைகள் எழுந்தன.
நிகழ்ச்சியின் தொகுப்பாளரான கமல்ஹாசனே பல முறை அசீம்மை கண்டித்துள்ளார். அதே நேரம் விக்ரமன் முதல் நாளில் இருந்தே நிதானத்தை கடைப்பிடித்து வந்தார். சக போட்டியாளர்களுக்கு ஒரு பிரச்சனை என்றால் முதல் நபராக குரல் கொடுத்து வந்தார். எந்த போட்டியாளரிடமும் நிதானம் தவறி வார்த்தையை விட்டதில்லை. கமல்ஹாசனும் விக்ரமனை நிகழ்ச்சியில் கண்டிக்கும்படி எந்த சம்பவமும் அரங்கேறவில்லை. இதனால் விக்ரமன்தான் பிக்பாஸ் வின்னர் ஆவார் என எதிர்பார்க்கப்பட்டது. HBD Sundar C: இயக்குநர் சுந்தர் சியின் அழகான குடும்பம் இதுதான்!
திருமாவளவன் டிவிட்
ஆனால் நேற்றைய கிராண்ட் ஃபினாலேவில் அசீம் வின்னரானதை பார்த்த ரசிகர்கள் ஷாக்காவிட்டனர். அறம் தோற்றது, தீமை வென்றது என சமூக வலைதளங்களில் தங்களின் அதிருப்தியை வெளிப்படுத்தி வருகின்றனர். இந்நிலையில் விக்ரமன் பிக்பாஸ் நிகழ்ச்சியில் தோல்வி அடைந்ததற்கான காரணம் வெளியாகியுள்ளது. அதாவது பிக்பாஸ் சீசன் 6 நிகழ்ச்சியில் பங்கேற்றிருந்த விக்ரமன், விடுதலை சிறுத்தைகள் கட்சியை சேர்ந்தவர். இதனால் அக்கட்சியின் தலைவரான தொல் திருமாவளவன், தனது கட்சியினர் விக்ரமனுக்கு வாக்களித்து அவரை வெற்றி பெற செய்ய வேண்டும் என தனது சமூக வலைதள பக்கத்தில் வாக்கு சேகரித்தார். Vijay: அந்த நடிகரின் காலில் விழும் எஸ்ஏசி... விஜய் வெறுத்து ஒதுக்க காரணம் இதுதானா?
தோல்விக்கு காரணம்
திருமாவளவன், விக்ரமனுக்கு ஆதரவாக வாக்கு சேகரித்ததற்கு பலரும் எதிர்ப்பு தெரிவித்தனர். தொலைக்காட்சி பொழுது போக்கு நிகழ்ச்சிகளில் அரசியல் தலையீடு இருக்கக்கூடாது என தங்களின் கண்டனங்களை பதிவு செய்தனர். இந்நிலையில் திருமாவளவன், விக்ரமனுக்காக வாக்கு சேகரித்ததுதான் அவர் பிக்பாஸ் டைட்டிலை வெல்ல முடியாமல் போனதற்கு காரணம் என தகவல் வெளியாகியுள்ளது. திருமாவளவன் விக்ரமனுக்கு ஆதரவாக டிவிட்டியதுதான் பின்னடைவை ஏற்படுத்தியது என்றும் விக்ரமன் இரண்டாம் இடம் பிடிக்க அதுதான் காரணம் என்றும் சமூக வலைதளங்களில் நெட்டிசன்கள் கருத்து தெரிவித்து வருகின்றனர்.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.