Bigg Boss 4 Promo: சுரேஷுடன் மீண்டும் சண்டை.. ரியோவை வச்சு செய்யும் நெட்டிசன்கள்

பிக் பாஸ் நான்காவது சீசன் வீட்டில் போட்டியாளர்கள் நடுவில் பிரச்சனை வருவது தொடர்கதையாகி விட்டது. வரமால் இருந்தால் தான் ஆச்சர்யம் என சொல்லும் அளவுக்கு தினமும் எதாவது பிரச்சனை ஆரம்பித்துவிடுகிறது.

கடந்த வாரம் ரியோ மற்றும் சுரேஷ் சக்ரவர்த்தி இடையே கருத்து வேறுபாடு ஏற்பட்டது உங்களுக்கு நினைவிருக்கும். சுரேஷ் என்ன பேச வருகிறார் என்று கூட கேட்காமல் ரியோ கோபத்தில் பேச துவங்கிவிட்டார். அதே கருத்தை தான் கமல்ஹாசனும் தெரிவித்து இருந்தார். அதன் பின் சுரேஷ் குரூப்பிசம் பற்றி பேசியபோது, 'அவர் என்னை தான் கூறினார்' என ரியோ சண்டை போட்டார்.

இந்நிலையில் இந்த வாரமும் அவர்கள் இடையேயான பிரச்சனை தொடர்ந்து கொண்டு தான் இருக்கிறது. இன்று பிக் பாஸ் Truth or Dare என்ற ஒரு டாஸ்க் கொடுத்திருக்கிறார். அதில் சுரேஷ், பாலாஜி, ஆரி, அனிதா சம்பத், ஆஜித் ஆகியோர் போட்டியில் பங்கேற்காமல் மற்றவர்களை பார்த்து கேள்வி கேட்கும் வேலையை மட்டும் செய்து வந்தனர்.

அப்படி அந்த டாஸ்க் நடந்துகொண்டு இருந்த போது ரியோ கோபத்தில் சுரேஷ் சக்ரவர்த்தியை பார்த்து பேசி இருக்கிறார். ரியோ கேள்வி கேட்ட போது, 'நீங்க எங்களை கேள்வி கேட்க முடியாது. நாங்க தான் கேட்கிறோம்' என ஆரி சொல்ல, சுரேஷ் உடனே 'இது எங்க சாய்ஸ்' என சொன்னார்.

அதற்கு ரியோ கைதட்டி எழுந்து 'Well shot sir..' என சுரேஷை பார்த்து சொல்கிறார். அதற்கு அவர் 'இவ்வளவு நேரம் தவறு நடந்திருந்தால் மேலே இருப்பவர் அப்போதே சொல்லி இருப்பாரே' என சுரேஷ் சொல்கிறார்.

அதனால் கோபமான ரியோ "மேல இருக்கிறவரா சார். வேலையே இல்லையா அவருக்கு. நீங்க எதாவது நோண்டினே இருப்பீங்க. வந்துனே இருப்பாரா அவரு" என கேட்டிருக்கிறார்.


இந்த புதிய ப்ரோமோ வீடியோவை பார்க்கும் போது நிச்சயம் இது தான் பிக் பாஸ் நிகழ்ச்சியில் பெரிய பிரச்சனையாக இருக்கும் என தெரிகிறது. எதற்காக இவ்வளவு பெரிய சண்டை வெடித்தது என்பதை பொறுத்திருந்து பார்ப்போம்.

கடந்த வாரம் ரியோ பேசிய விதம் அவருக்கு நெகட்டிவ் விமர்சனங்களை தான் பெற்றுத்தந்தது. கமல்ஹாசனும் மறைமுகமாக அது பற்றி கூறினார். ஆனால் ரியோ இந்த வாரமும் இப்படி சண்டையை தொடர்வது அவருக்கு மேலும் கெட்ட பெயரை தான் பெற்றுத்தரும் என நெட்டிசன்கள் தெரிவித்து வருகிறார்கள்.

பிக் பாஸ் வேலையே போட்டியாளர்கள் எப்படி விளையாடுகிறார்கள் என பார்ப்பது தான். அதுவே தெரியாமல் ரியோ இப்படி பேசுகிறாரே என பலரும் அவரை ட்ரோல் செய்து வருகிறார்கள்.