மனைவியை பார்த்து கதறி அழுத ரியோ.. நெகிழ்ச்சியான ப்ரோமோ

ஷிவானியின் அம்மா தொடங்கி பிக் பாஸ் வீட்டுக்கு போட்டியாளர்களின் நெருக்கமானவர்கள் ஒவ்வொருவராக வர தொடங்கியிருக்கிறார்கள். ஷிவானியின் அம்மா, பாலாஜியின் அண்ணன் ஆகியோர் நேற்று வந்த நிலையில் இன்று ரம்யாவின் அம்மா மற்றும் சகோதரர் ஆகியோர் வந்திருந்தது முதல் ப்ரொமோ வீடியோவில் காட்டப்பட்டு இருந்தது.

ரம்யா பாண்டியன் இந்த வாரம் வெளியேறினால் அதற்கு காரணம் நீயாக இருக்க மாட்டாய் என மறைமுகமாக ஆரியை ரம்யாவின் சகோதரர் பேசியிருந்தார். அதை தொடர்ந்து சற்று முன்பு இன்றைய இரண்டாவது ப்ரொமோ வீடியோ வெளிவந்து இருக்கிறது அதில் ரியோ அவரது மனைவி ஷ்ருதியை பார்த்துக் கண்ணீர் விட்டிருக்கிறார். ஏற்கனவே ஸ்ருதி மற்றும் குழந்தை ஆகியோரை நினைத்து ரியோ பல முறை கண்ணீர் விட்டு இருக்கிறார் என்பது குறிப்பிடத்தக்கது.

96 படத்தின் காதலே காதலே பாடலுடன் ஷ்ருதி வீட்டுக்குள் வருகிறார். அவரை ஓடிச் சென்று ரியோ கண்ணீருடன் கட்டிப்பிடித்து அழுகிறார். ரியோ சாரி கேட்ட நிலையில் 'ஏன் சாரி கேட்கிறாய்' என கலக்கத்துடன் கேட்கிறார் ஷ்ருதி.

அதன் பின் உள்ளே சென்று மற்ற போட்டியாளர்கள் இடமும் ஷ்ருதி பேசுகிறார். அப்போது ரம்யா பாண்டியனை ரியோ அலேக்காக தூக்கியது பற்றி நண்பர்கள் கடுப்பாக இருப்பதாக கூறுகிறார். இதை பார்த்தால் நண்பர்கள் கடுப்பான மாதிரி தெரியலையே என்று ஷ்ருதியை கிண்டல் செய்கிறார் ரியோ.

நீங்களே ப்ரொமோ வீடியோவை பாருங்க..