ரியோ பண்ணது ரொம்ப தப்பு.. இதுக்கு எதுக்கு காரணம் சொல்லணும்: சாக்ஷி அகர்வால்

கடந்த வருடம் ஒளிபரப்பான பிக் பாஸ் 3வது சீசனில் முக்கிய போட்டியாளராக இருந்தவர் சாக்ஷி அகர்வால். அவர் கடந்த வருடம் பிக் பாஸ் வீட்டில் இருந்த போது கவின் உடன் மிகவும் நெருக்கம் ஆக இருந்து, அதற்கு பிறகு இருவரும் பிரிந்துவிட்டனர். அந்த பிரச்சனை தான் கடந்த சீஸனின் பெரிய பிரச்சனையாக இருந்தது.

இந்நிலையில் தற்போது பிக் பாஸ் நான்காவது சீசன் பற்றி சாக்ஷி இன்ஸ்டாகிராமில் ஒரு வீடியோ வெளியிட்டு விமர்சித்து இருக்கிறார். கடந்த திங்கட்கிழமை போட்டியாளர்கள் நாமினேஷனை ஓபன் முறையில் செய்தது பற்றி தான் அவர் பேசி இருக்கிறார்.

ஓபன் நாமினேஷனில் ரியோ அனிதா பற்றி தேவையில்லாமல் பேசியது தவறு என சாக்ஷி அகர்வால் கூறி இருக்கிறார். அந்த வீடியோவில் சாக்ஷி அகர்வால் கூறி இருப்பது இதுதான்..

"இந்த சீசனோட first ஓபன் நாமினேஷன் இந்த வாரம் நடைபெற்றது. நாமினேட் பண்றதுக்கு ரீசன் ஓப்பனாக சொல்ல வேண்டும். அதுவே ஒரு பெரிய டாஸ்க் ஆச்சே. நாமினேட் பண்றதுக்கு காரணம் சொல்லலாம். பண்ணாம இருக்குறதுக்கு எதுக்கு சொல்லணும். ரியோ அனிதா பற்றி பேசினார், ஆனா நாமினேட் செய்யவில்லை. பேசி தீர்க்க வேண்டிய விஷயம் ஒரு சண்டைக்கு லீடு கொடுத்தது" என சாக்ஷி அகர்வால் கூறி இருக்கிறார்.