Bigg Boss 4 Tamil: ரியோவை ரவுண்டு கட்டிய சனம், அனிதா! நீங்க பாராட்டுறதை கேட்க நான் முட்டாள் இல்லை..

பிக் பாஸ் வீட்டில் கால்சென்டர் டாஸ்க்கில் கடந்த இரண்டு நாட்களாக அர்ச்சனா குரூப்பை சக போட்டியாளர்கள் ரவுண்டு கட்டி தாக்கி வருகின்றனர். பாலாஜி ஆரம்பித்து வைத்த இந்த ரவுண்டில் சிக்கிய அர்ச்சனா குரூப்பில் உள்ளவர்கள் தாங்கள் குரூப் இல்லை என்று சொல்ல ரொம்ப கஷ்டப்பட்டு வருகிறார்கள்.

இந்த நிலையில் நேற்றைய டாஸ்க்கில் ரியோ ஆஜித்திற்கு கால் செய்து பாலாஜியிடம் கேட்க வேண்டிய கேள்விகளை எல்லாம் நமக்கு ஒரு அடிமை சிக்கிட்டான் என்கிற மாதிரியாக ஆஜித்திடம் உதாரணம் எல்லாம் கூறி பிக் பாஸ் வீட்டில் அன்பு இருப்பதை நிரூபிக்க முயற்சி செய்தார்.

இதற்கெல்லாம் பதில் சொல்ல தெரியாமல் அப்பாவியாக முழித்துக் கொண்டிருந்தார் ஆஜித். அதை தொடர்ந்து சனம், அனிதா முதலில் இது கேம் இதில் அன்பிற்கு இடம் இல்லை என்கிற மாதிரி இருந்தவர்கள் இப்பொழுது அவர்களிடையே நட்பு மலர்ந்திருப்பது அழகாக இருக்கிறது என்று கூறியது தொட்டிலையும் ஆட்டி குழந்தையையும் கிள்ளி விட்ற கதையா இருக்கே என்று தோன்றியது.

இதையெல்லாம் பார்த்த சனம் ரியோவிடம் சென்று என்ன அர்த்தத்தில் அப்படி சொன்னீங்க என கேட்டார்.

அதற்கு ரியோ உங்களிடையே இருந்த நட்பை பாராட்டி கூறினேன் உங்களை பற்றி தவறாக எதுவும் சொல்லல என பதிலளித்தார்.

சொல்றதையெல்லாம் சொல்லிட்டு பாராட்டினேன் என சொல்வதை கேட்க நான் முட்டாள் இல்லை என கொந்தளித்தார் சனம். உதாரணம் சொல்றதுக்கு இந்த வீட்டில் வேற யாருமே இல்லையா ஏன் உங்களையும் சொல்லியிருக்கலாம் என அனிதாவும் ரியோவை கேட்க, குரூப்பிஸம், அன்பை தேடி போற என்ற குற்றச்சாட்டை பிரேக் பண்ண வேண்டும் என்பதற்காக தப்பான காலருக்கு நீங்க கால் பண்றீங்க’ என்று சனம் சொல்ல, இதனால் ஆத்திரமடைந்த ரியோ, நான் தப்பான காலரை தேடி போகலை, மைண்ட் யுவர் வேர்ட்ஸ்’ என்றார்.

ஆனால் சனம் விடாமல் சரமாரியாக கேள்விகளை கேட்டுக்கொண்டிருந்தார். இறுதியில் பேசி பேசி அயர்ந்து போன ரியோ கேமரா முன் நின்று மன்னிப்பு கேட்டார்.

இப்படியாக அடுத்த சண்டை ரியோ மற்றும் சனம் இடையே நடைபெற்றது. அர்ச்சனாவின் குழுவில் மிகப்பெரிய டெக்னிக் என்னவெனில் யாரிடமாவது சண்டை போட்டால் உடனே அவர்களிடம் சரண்டர் ஆகியோ அல்லது அவர்களை புகழ்ந்து பேசியோ தங்கள் குழுவில் இழுத்து கொள்வதுதான் அவர்களுடைய ஸ்ரேட்டர்ஜி.

இந் நிலையில் சனம், ரியோ சண்டையை சாப்பிட்டு கொண்டே வேடிக்கை பார்க்கும் பாலாஜியும், ஷிவானியும் விழுந்து விழுந்து சிரித்துக் கொண்டிருந்தனர். என்ன ஒரு ஆனந்தம் கரடிக்கு என்கிற பாணியில் ரசிகர்கள் கமெண்ட் அடித்தனர். மொத்தத்தில் கடந்த இரண்டு நாட்களை போலவே நேற்றும் ரசிகர்களுக்கு நல்ல விருந்ததாகவே இருந்தது என்றே கூறலாம்.

என்னடா புது காம்பினேஷனாக இருக்கே என பிக்பாஸ் ரசிகர்களே ஷாக் ஆகும் அளவுக்கு ரியோவுக்கும் சனம் ஷெட்டிக்கும் இடையே சண்டை மூட்டி விட்டுள்ளார் பிக் பாஸ். சீக்கிரமே ரியோவுக்கும் அர்ச்சனா மற்றும் நிஷாவுக்கும் இடையே கூட சண்டையை கொளுத்திப் போடுவார் போல தெரிகிறது.