சரவணனுக்கு ரெட் கார்டு கொடுத்து வெளியே அனுப்புங்க- கொந்தளிக்கும் சேரன் ரசிகர்கள்

இந்த வாரத்திற்கான லக்ஸுரி பட்ஜெட் டாஸ்க்கின் சிறப்பாக விளையாடியவர்கள் யார்? சொதப்பியவர்கள் யார்? என்பதை தேர்வு செய்யும் நடைமுறையின் போது சேரனுக்கும், சரவணனுக்கும் மோதல் ஏற்படுகிறது.

சண்டையில் அத்துமீறும் சரவணன், சேரனை தரம் தாழ்ந்து பேசுவது போன்று ப்ரோமோ வீடியோ வெளியாகியுள்ளது. இது பிக்பாஸ் பார்வையாளர்களிடம் கடும் அதிருப்தியை ஏற்படுத்தியுள்ளது.

பிக்பாஸ் வீட்டுக்குள் நுழைந்ததில் இருந்தே சேரனிடம் துவேஷம் கடைபிடித்து வருகிறார். அவரிடம் பட்டும் படாமல் பேசுவது. அவரில்லாத நேரத்தில் மற்ற ஹவுஸ்மேட்ஸிடம் சேரன் குறித்து தவறாக பேசுவது என இவருடைய நடவடிக்கைகள் சரியாக இருப்பது இல்லை.

பல சமயங்களில் சரவணன் எகத்தாளமாக பேசும் போது கூட சேரன் பொறுமையுடனே இருந்தார். எனினும், மீரா மிதூன் அபாண்டமாக பழி சுமத்திய போது சேரன் பக்கம் நின்றார் சரவணன். இதனால் இனிமேல் இருவருக்குமிடையில் பிரச்னை வராது என்று பார்வையாளர்கள் கருதினர்.

ஆனால் இன்றைய நிகழ்ச்சிக்கான ப்ரோமோ வெளியாகியுள்ள சூழலில், சேரனை “வாயா” ”போயா” என்று சரவணன் தகாத வார்த்தைகளை பயன்படுத்தி சத்தம் போடுகிறார். இதனால் அதிர்ந்து போன சேரன் பேசாமல் வாயடைத்து இருக்கிறார்.

சரவணனின் இந்த நடவடிக்கை பார்வையாளர்களை ஏகத்துக்கும் கடுப்பாக்கியுள்ளது. இதுகுறித்து கருத்து பதிவிட்டுள்ள நெட்டிசன்கள் சிலர், சரவணனுக்கு ரெட் கார்டு கொடுத்து நிகழ்ச்சியை விட்டு வெளியே அனுப்புமாறு பிக்பாஸுக்கு கோரிக்கை விடுத்துள்ளனர்.

மேலும் சிலரின் பதிவுகளில் “சரவணனுக்கு வாயில் சனி. அதனால் தான் இப்படி உளறுகிறார் என்று தெரிவித்துள்ளனர். தவிர, அவருடைய தனிப்பட்ட வாழ்க்கை, சோபிக்காத அவருடைய திரைவாழ்க்கையை குறிப்பிட்டும் பலர் பதிவிட்டுள்ளனர்.

சேரனை வாரம் தவறாமல் நாமினேட் செய்வது, வீட்டில் இருக்கும் போட்டியாளர்களின் மனதை புண்படுத்த்துவது போல் பேசுவது, கூடவே இருக்கும் சாண்டி மற்றும் கவின் மனங்களை கெடுத்து போட்டியாளர்களுக்கு எதிராக திருப்பி விடுவது, பெண்களை இடிப்பதற்காகவே பேருந்துகளில் பயணம் செய்வேன் என உளறுவது என அருவருக்கத்தக்க வகையில் சரவணன் இருக்கிறார். இதில் இவர் சேரனுக்கு கோளாறு சொல்கிறார். முதலில் இவரை நிகழ்ச்சியிலிருந்து வெளியேற்ற வேண்டும் என தொடர்ந்து அவரை கண்டித்து பலரும் கருத்துக்களை பதிவிட்டு வருகின்றனர்.