பிக் பாஸ் செல்வதை உறுதி செய்த நடிகர் அசீம்! என்ன கூறி உள்ளார் பாருங்க

பிக் பாஸ் ஷோவில் இருந்து வாரம்தோறும் ஒரு போட்டியாளர் வெளியேற்றப்படுவது வழக்கம். அதே போல பல புதிய போட்டியாளர்களும் வைல்டு கார்டு எண்ட்ரியாக கொண்டுவரப்படுகின்றன. இதுவரை ரேகா, வேல்முருகன், சுரேஷ் சக்ரவர்த்தி உள்ளிட்டவர்கள் வெளியேற்றப்பட்டு இருக்கிறார்கள், அதே போல அர்ச்சனா மற்றும் சுசித்ரா ஆகியோர் பிக் பாஸ் வீட்டில் வைல்டு கார்டு எண்ட்ரியாக வந்திருக்கிறார்கள்.

இந்நிலையில் தற்போது மூன்றாவது வைல்டு கார்டு எண்ட்ரியாக பிரபல சீரியல் நடிகர் அசீம் தான் வரப்போகிறார் என தகவல் கடந்த சில தினங்களாக பரவி வருகின்றது. ஆனால் அதுபற்றி அவர் இதுவரை எந்த விதமான அறிவிப்பையும் வெளியிடவில்லை.

இதுநாள் வரை இன்ஸ்டாகிராமில் அதிக அளவு ஆக்டிவாக இல்லாத அவர் தற்போது கடந்த சில தினங்களாக அதிக அளவு பதிவுகளை போட்டு வருகிறார். சில புகைப்படங்களில் அவர் ஹோட்டல் அறையில் இருப்பது போன்று இருந்ததால் பலரும் அவர் பிக் பாஸ் குவாரன்டைனில் தான் இருக்கிறார் என தெரிவித்து வருகிறார்கள்.

மேலும் சமீபத்தில் 100 சிங்கங்கள் என குறிப்பிட்டு ஒரு பதிவினை அவர் போட்டிருந்தார். அதை பார்த்து அனைவரும் அவர் பிக் பாஸ் பற்றி தான் பதிவிடுகிறாரோ என நினைத்தனர். அது மட்டும் இன்றி தற்போது தன் ரசிகர்களுக்கு அசீம் ஒரு எச்சரிக்கையையும் தற்போது விடுத்திருக்கிறார். தான் முகநூலில் இல்லை என்றும், தன் பெயரில் இருக்கும் கணக்குகள் அணிவதும் போலி என அவர் தெரிவித்து உள்ளார்.

"உங்களது நிபந்தனையற்ற அன்பை பெறுவது எனக்கு கிடைத்த வரம். நான் பேஸ்புக்கில் இல்லை. ஆனால் பலரும் என் பெயரில் இருக்கும் போலி கணைக்கால் ஏமாந்து போகிறார்கள். என் நண்பர்கள் மற்றும் ரசிகர்கள் அனைவரும் இந்த செய்தியை பகிருங்கள். இந்த போலி கணக்குகளை ரிப்போர்ட் செய்யுங்கள். Expect the Unexpected" என கூறி இருக்கிறார்.

இதன் மூலமாக அவர் பிக் பாஸ் வீட்டுக்கு போட்டியாளராக செல்வதை மறைமுகமாக உறுதி செய்திருக்கிறார் எனலாம். அடுத்த வார இறுதியில் அவர் பிக் பாஸ் செல்ல வாய்ப்பு உள்ளது.