திருமணமான ஆறே மாதத்தில் காதல் கணவரின் பிரிவு: சோகத்தில் சினேகன் மனைவி..!

தமிழ் சின்னத்திரையில் விஜய் டிவியில் ஒளிபரப்பாகிவரும் பிரபலமான நிகழ்ச்சி பிக் பாஸ். இந்த நிகழ்ச்சியின் ஐந்தாவது சீசன் விறுவிறுப்பாக ஒளிபரப்பாகி வந்தது. இந்த நிகழ்ச்சியின் கிராண்ட் ஃபினாலாவில் அனைவரும் எதிர்பார்த்தபடி ராஜு ஜெயமோகன் டைட்டிலை வென்றார். அவரை தொடர்ந்து பிரியங்கா, பாவனி இரண்டாம் மற்றும் மூன்றாம் இடத்தை பிடித்தனர்.

பிக்பாஸ் 5 நிகழ்ச்சி முடியும் தினத்தில், டிஸ்னி பிளஸ் ஹாட் ஸ்டார் ஓடிடி தளத்தில் பிக் பாஸ் அல்டிமேட் என்ற நிகழ்ச்சி 24 மணி நேரமும் ஒளிபரப்பாகவிருக்கும் என்ற அறிவிப்பை வெளியிட்டனர். இந்த அறிவிப்பு ரசிகர்கள் மத்தியில் மிகப்பெரிய எதிர்பார்ப்பினை கிளப்பியது. இதில் பிக் பாஸ் சீசன் 1முதல் 5 வரையிலான போட்டியாளர்கள் கலந்துகொண்டுள்ளனர்.

பிக் பாஸ் சீசன் 1 நிகழ்ச்சியில் போட்டியாளராக இருந்தவர் சினேகன். இந்த நிகழ்ச்சி மூலம் இவர் மக்கள் மத்தியில் பிரபலமான இவர் ரன்னராக இரண்டாம் இடத்தை பிடித்தார். இந்த சீஸினில் ஆரவ் வின்னராக முதல் இடத்தை பிடித்தார். பின் பிக் பாஸ் நிகழ்ச்சிக்கு பிறகு சினேகன் எட்டு ஆண்டுகளாக காதலித்து வந்த கன்னிகா என்ற நடிகையை திருமணம் செய்து கொண்டார். இவர்களின் திருமணம் கமல் முன்னிலையில் நடைபெற்றது.

ஸ்மோக்கிங் ரூமில் சக போட்டியாளர்களுடன் அபிராமி: சர்ச்சைகளை கிளப்பும் வீடியோ..!

இந்நிலையில் திருமணத்திற்கு பின்னர் தனது காதல் மனைவியை பிரிந்து பிக்பாஸ் அல்டிமேட் நிகழ்ச்சிக்கு சென்றுள்ளார் சினேகன். இது குறித்து தன்னுடைய இன்ஸ்டாகிராம் பக்கத்தில் உருக்கமான வீடியோ ஒன்றை பகிர்ந்துள்ளார் கன்னிகா. அதில், ஏப்ரல் மாதத்தில் படத்தில் இடம்பெற்ற ‘பொய் சொல்ல இந்த மனசுக்கு தெரியவில்லை’ என்ற பாடலின் லிரிக்கை போட்டுள்ளார்.

இந்த பாடல் சினேகன் எழுதியது என்பது குறிப்பிடத்தக்கது. அவரின் இந்த வீடியோ தற்போது சோஷியல் மீடியாவில் வைரலாகி வருகிறது. கன்னிகாவின் இந்த பதிவிற்கு கீழ் ரசிகர்கள் பலரும் கவிஞர் வெற்றியோட திரும்புவார். தவறவிட்ட வெற்றியை பிடிக்க உள்ள போயிருக்கார். தைரியமாக இருங்க என ஆறுதல் கூறி வருகின்றனர்.