கெளதம் மேனனை பிக் பாஸ் 4 வீட்டுக்கு Wild Cardஆக அனுப்புங்க! - பாடகி சுசித்ரா

பிக் பாஸ் 4ல் தற்போது மொத்தம் 16 போட்டியாளர்கள் இருக்கிறார்கள். சென்ற வாரம் ரேகா வெளியேற்றப்பட்ட நிலையில் வைல்டு கார்டு எண்ட்ரியாக அர்ச்சனா வீட்டுக்குள் வந்தார். அதன் பிறகு இந்த வாரம் வெளியேற்றப்பட போவது யார் என்பதும் கேள்விக்குறியாகவே இருக்கிறது.

இந்நிலையில் அடுத்த வைல்டு கார்டு எண்ட்ரியாக பிரபல பாடகி சுசித்ரா வர இருக்கிறார் என கூறப்படுகிறது. அவரது என்ட்ரி இன்னும் ஒரு சில தினங்களில் நடக்கலாம் என எதிர்பார்க்கப்படுகிறது. இந்நிலையில் சுசித்ரா ட்விட்டரில் இயக்குனர் கெளதம் மேனனை பிக் பாஸ் வீட்டிற்கு வைல்டு கார்டு எண்ட்ரியாக அனுப்ப வேண்டும் என தெரிவித்து இருக்கிறார்.

"நான் கெளதம் வாசுதேவ் மேனனின் ரசிகை. நான் வைல்டு கார்டு எண்ட்ரியாக போகவில்லை என்றால் கூட அவர் போகவேண்டும். அவர் கண்டிப்பாக போக வேண்டும். ட்ரான்ஸ் மலையாள படத்தை பார்த்துக் கொண்டிருக்கிறேன். அவர் சூப்பர் ஆக இருக்கிறார். அவர் சிறப்பான கண்டெண்ட் கொடுக்க முடியும் என நம்புகிறேன்" என சுசித்ரா பதிவிட்டு இருக்கிறார்.

சுசித்ரா இப்படி பதிவிட்டு இருக்கும் ட்விட் வைரல் ஆகி உள்ளது. இதற்கு முன் சுசித்ரா பல சர்ச்சைகளில் சிக்கிய இருக்கிறார் என்பதால் பிக் பாஸ் 4ல் அவர் என்னவெல்லாம் செய்ய போகிறாரோ என்கிற எதிர்பார்ப்பு ரசிகர்கள் மனதில் இருக்கிறது. நிலைமை இப்படி இருக்க அவர் கௌதம் மேனனை ஏன் பரிந்துரை செய்ய வேண்டும் என கேள்வியும் எழுப்பி வருகிறார்கள்.


சுசித்ரா பிக் பாஸ் வீட்டுக்கு செல்வது பற்றி நடிகை கஸ்தூரியும் ட்விட்டரில் பதிவிட்டு இருந்தார். "Suchileaks புகழ் சுசித்ரா போறாங்களாம். ஒரு கேமரா contentக்கே ஊரே அலறிச்சு... இங்கே 100 கேமெரா ! Housemates strictly maintain social distance!" என அவர் குறிப்பிட்டு விமர்சித்து இருக்கிறார்.