நாட்டை காப்பாற்ற துணிந்த தர்ஷன்: பிக் பாஸ் கலை நிகழ்ச்சி!

எப்போதும் இல்லாத அளவிற்கு பிக் பாஸ் இப்போது தான் போட்டியாளர்களுக்கு சரியான டாஸ்க் கொடுத்துள்ளார். நாம் மறந்து போன நமது கலைகளை மீண்டும் நினைவுபடுத்தும் விதமாக கிட்டத்தட்ட 5000 கலை நிகழ்ச்சி வரை அரங்கேற்றியுள்ள நாட்டுப்புற கலைஞரான காளீஸ்வரனை அழைத்து பிக் பாஸ் போட்டியாளர்களுக்கு பொம்மலாட்டம் உள்பட பல கலைகளை கற்றுக்கொடுக்க ஏற்பாடு செய்யப்பட்டுள்ளது.

அதன்படி, நேற்றைய நிகழ்ச்சியில், பொம்மலாட்டம் கற்றுக்கொடுக்கப்பட்டு போட்டியாளர்களும் செய்து காட்டினர். அதில், சாண்டி, லோஸ்லியா, வனிதா, முகென் ஆகியோர் ஒரு கிராமமாகவும், சேரன், தர்ஷன், கவின், ஷெரின் ஆகியோர் ஒரு குடும்பமாகவும் பிரிந்து பொம்மலாட்டம் கலை நிகழ்ச்சியை செய்து காட்டினர். இதில், வனிதா அணியினர் கூட்டுக்குடும்பத்தைப் பற்றியும், சேரன் அணியினர் மது ஒழிப்பையும் பற்றியும் கலை நிகழ்ச்சி நடத்தினர்.

Kavin: லோஸ்லியா கழுத்தில் கயிறு கட்டிய கவின்: எத்தனை முடிச்சு போட்டாரோ?


இந்த நாடக நிகழ்ச்சியில், வனிதா அணியினர் வெற்றி பெற்று ஸ்டார் அணிந்து கொண்டனர். இதையடுத்து, அவர்கள் நிலாச் சோறு உருட்டி சாப்பிட்டனர். இந்த நிலையில், இன்று வெளியான முதல் புரோமோ வீடியோவில், தெருக்கூத்து பற்றிய நாடகம் சொல்லிக்கொடுக்கப்பட்டது. காளீஸ்வரன் கற்றுக்கொடுத்த பிறகு தர்ஷன், ஷெரின் சும்மா போர் காட்சி போன்று நடித்து காட்டினர். அதன்படி, தர்ஷன், நாட்டைக் காப்பாற்ற போருக்கு புறப்பட தயாராவதும், ஷெரின் அதற்கு மறுப்பு தெரிவிப்பதுமான காட்சி பார்வையாளர்களை பரவசத்தில் ஆழ்த்தியது.

எவ்வளவு பணம் கொடுத்தால் இந்த அனுபவம் கிடைக்காது; ஜெயிக்க ஆசையில்லை: ஷெரின்!


இதையடுத்து போட்டியாளர்களுக்கு அறிமுகபடலம் கலைநிகழ்ச்சி நடந்தது. வனிதா, சாண்டி, முகென், லோஸ்லியா ஆகியோர் எமதர்மராஜா, சித்ரகுப்தன் வேடமணிந்து நாடகம் நடத்தினர். இரண்டாவது புரோமோவில், அயல்நாட்டை எதிர்த்து போருக்கு போவதைவிட, நம் நாட்டை நாமே சுத்தமாக, சுகாதாரமாக வைத்துக்கொள்வோம் என்று காளீஸ்வரன் அணியினர் தெருக்கூத்து கற்றுகொடுக்கின்றனர்.

Episode 64 Highlights: இரண்டு கிராமங்களாக மாறிய பிக் பாஸ் வீடு: நிலா சோறு ஊட்டி விட்ட வனிதா, சேரன்!

இறுதியாக கவின் – லோஸ்லியா காதல் விவகாரத்திற்கு முற்றுப்புள்ளி வைக்கும் விதமாக ஒரு சம்பவம் அரங்கேறியது. அதில், கவின், கடந்த 3 வருடங்களாக எனக்கும் ஒரு பெண்ணிற்கும் உறவு இருந்தது என்று லோஸ்லியாவிடம் தெரிவிக்கிறார். இதனைக் கேட்ட லோஸ்லியா வருத்தப்படுவது போன்று 3ஆவது புரோமோ வீடியோ அமைந்துள்ளது என்பது குறிப்பிடத்தக்கது.