பிக் பாஸில் பங்கேற்கிறாரா?: அதான் கொஞ்ச நாளா விஜய் டிவில பார்க்க முடியலயா?

உலக நாயகன் கமல் ஹாஸன் தொகுத்து வழங்கவிருக்கும் பிக் பாஸ் 4 நிகழ்ச்சியை காண அனைவரும் ஆவலுடன் காத்துக் கொண்டிருக்கிறார்கள். பிக் பாஸ் 4 அடுத்த மாதம் 4ம் தேதி துவங்கும் என்று கூறப்படுகிறது. இது குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.

இந்நிலையில் பிக் பாஸ் 4 வீட்டிற்கு செல்லப் போகும் போட்டியாளர்கள் யார், யார் என்று சொல்லுமாறு நிகழ்ச்சி ஏற்பாட்டாளர்கள் மக்களிடம் கேட்டுள்ளனர். அதை பார்த்தவர்கள் சிலரின் பெயர்களை தெரிவித்துள்ளனர்.

மக்களே, உங்களுக்கு டாஸ்க் கொடுத்திருக்கிறார் பிக் பாஸ்: புது வீடியோ பார்த்தீங்களா?

டிவி நிகழ்ச்சி தொகுப்பாளரும், நடிகருமான ரக்ஷனை கொஞ்ச நாட்களாக ஆளையே காணோம் என்று ரசிகர்கள் பேசிக் கொண்டிருந்தனர். இந்நிலையில் ரக்ஷன் தன் ஸ்டைலான இரண்டு புகைப்படங்களை இன்ஸ்டாகிராமில் வெளியிட்டுள்ளார். அதை பார்த்த ஒருவர், ப்ரோ, நீங்கள் ஏன் விஜய் டிவியில் வருவது இல்லை என்று கேட்டார். அதற்கு ரக்ஷனோ, விரைவில் ஸ்பெஷலான ஒன்றுடன் வருகிறேன் என்று பதில் அளித்துள்ளார்.
ரக்ஷனின் பதிலை பார்த்தவர்கள் கூறியிருப்பதாவது,

பிக் பாஸ் 4 வீட்டிற்கு போகிறார் போன்று. அதை தான் இப்படி சொல்கிறார். இல்லை என்றால் ஏதாவது பெரிய படத்தில் நடிக்க வாய்ப்பு கிடைத்திருக்குமோ என்று தெரிவித்துள்ளனர்.

முன்னதாக பிக் பாஸ் வீட்டிற்கு செல்கிறீர்களா என்று ரசிகர் ஒருவர் பிகில் படம் புகழ் அம்ரிதா ஐயரிடம் கேட்டதற்கு அவரோ, தெரியல இது சஸ்பென்சாவே இருக்கட்டும் என்றார். அதனால் அம்ரிதாவை பிக் பாஸ் வீட்டில் பார்ப்பது உறுதி என்று ரசிகர்கள் முடிவே செய்துவிட்டனர்.

தங்களின் கெரியர் பிக்கப் ஆகும் என்கிற நம்பிக்கையில் தான் பலரும் பிக் பாஸ் நிகழ்ச்சியில் கலந்து கொள்கிறார்கள். பிக் பாஸ் நிகழ்ச்சியால் நல்ல பெயர் எடுத்தவர்களும் உண்டு, இருக்கும் நல்ல பெயரை கெடுத்துக் கொண்டவர்களும் உண்டு. அதனால் இந்த சீசனில் யார் நல்ல பெயர் எடுக்கப் போகிறாரோ, யார் பெயரை கெடுத்துக் கொள்ளப் போகிறாரோ என்று சமூக வலைதளங்களில் பேசிக் கொள்கிறார்கள்.

பிக் பாஸ் 4 நிகழ்ச்சியில் ஷாலு ஷம்மு, டிக்டாக் புகழ் இலக்கியா, ரம்யா பாண்டியன், ஷிவானி, கிரண் என்று கவர்ச்சிக்கு பெயர் போன ஆட்கள் கலந்து கொள்ளப் போவதாக கூறப்படுகிறது. மேலும் அதுல்யா ரவி, ரியோ ராஜ், புகழ், லக்ஷ்மி மேனன் ஆகியோரின் பெயர்களும் அடிபடுகிறது.

இந்த பெயர்களை எல்லாம் பார்த்தவர்கள் இதில் காதல் ஜோடியை உருவாக்க முடியாதே என்று தெரிவித்துள்ளனர். அவரவர் கவலை அவரவருக்கு.