Pathu thala: சிம்புவிற்காக அந்த விஷயத்தில் விட்டு கொடுப்பாரா கமல் ?

சிம்பு நடிக்கும் படத்தை கமல் தயாரிப்பது தான் தற்போது கோலிவுட்டின் ஹாட் டாபிக்காக இருக்கின்றது. மாநாடு, வெந்து தணிந்தது காடு என தொடர்ந்து ஏறுமுகத்தில் இருக்கும் சிம்புவின் நடிப்பில் அடுத்ததாக பத்து தல படம் வெளியாகவுள்ளது. இதையடுத்து ராஜ் கமல் பிலிம்ஸ் சார்பாக கமல் தயாரிக்கும் மிகப்பிரமாண்டமான படத்தில் தேசிங்கு பெரியசாமியின் இயக்கத்தில் நடிக்கவுள்ளார் சிம்பு.

இந்நிலையில் கமல் சிம்புவின் படத்தை தயாரிப்பதற்கான காரணம், கடந்தாண்டு பிக் பாஸ் அல்டிமேட் நிகழ்ச்சியை கமலுக்கு பதிலாக சிம்பு தொகுத்து வழங்கியது தானாம். பிக் பாஸ் அல்டிமேட் நிகழ்ச்சியின் பாதியில் கமல் வெளியேற கமலுக்காக அந்த நிகழ்ச்சியை தொகுத்து வழங்க சம்மதித்தார் சிம்பு.

Leo: லியோ படப்பிடிப்பில் நடப்பதெல்லாம் பார்த்த சந்தேகமா இருக்கே..குழப்பத்தில் ரசிகர்கள்..!

அதற்கு நன்றிக்கடன் செலுத்தும் விதமாக சிம்புவின் படத்தை கமல் தயாரிப்பதாக ஒரு பேச்சு வலம் வருகின்றது. இதைத்தொடர்ந்து சிம்பு அந்நிகழ்ச்சியை தொகுத்து வழங்கிய பின் அவருக்கு ஏகப்பட்ட விளம்பரங்கள் குவிந்தனவாம். இதனால் சிம்புவின் மார்க்கெட்டும் கணிசமாக உயர்ந்தது.


இந்நிலையில் 2017 ஆம் ஆண்டு முதல் நடந்து வரும் பிக் பாஸ் தமிழ் நிகழ்ச்சியை கமல் தான் தொகுத்து வழங்கி வருகின்றார். ஆனால் அடுத்தாண்டு முதல் கமல் தொகுத்து வழங்கமாட்டார் என்ற ஒரு செய்தி இணையத்தில் பரவி வருகின்றது.


ஆனால் நடந்து முடிந்த பிக் பாஸ் நிகழ்ச்சியில் கமல் மீண்டும் சந்திப்போம் என்று தான் கூறி விடைபெற்றார். எனவே அடுத்தாண்டும் கமல் தான் தொகுத்து வழங்குவார் என ரசிகர்கள் சிலர் பேசி வருகின்றனர். இது ஒருபக்கம் இருக்க பிக் பாஸ் நிகழ்ச்சியை கமல் தொகுத்து வழங்கவில்லை என்றால் அவருக்கு பதிலாக சிம்பு தான் தொகுத்து வழங்குவார் என்றும் தகவல்கள் வருகின்றன.


மேலும் சிம்புவும் இந்நிகழ்ச்சியை தொகுத்து வழங்க விருப்பமாக இருப்பதாகவும் பேசப்பட்டு வருகின்றது. இந்நிலையில் கடந்தாண்டு நடைபெற்ற பிக் பாஸ் அல்டிமேட் நிகழ்ச்சியை சிம்பு தொகுத்து வழங்கிய விதம் ரசிகர்களை ஈர்த்துள்ளதால் பிக் பாஸ் நிகழ்ச்சியையும் சிம்பு தொகுத்து வழங்கினால் நன்றாக இருக்கும் என்பது சில ரசிகர்களின் கருத்தாக இருக்கின்றது.


மேலும் சிலரோ பிக் பாஸ் என்றாலே கமல் தான். அவரை ஈடு செய்ய எவராலும் முடியாது என்கின்றனர். எனவே அடுத்த சீசனை தொகுத்து வழங்குவது யார் என்பதை நாம் பொறுத்திருந்து தான் பார்க்க வேண்டும்.