எப்படி இருந்த நான் இப்படி ஆய்ட்டேன்... புகைப்படம் வெளியிட்ட ஷிவானி!

பகல் நிலவு, கடைக்குட்டி சிங்கம், இரட்டை ரோஜா உள்ளிட்ட தொடர்களில் நடித்து ரசிகர்களின் மனம் கவர்ந்தவர் நடிகை ஷிவானி நாராயணன். இவர் கொரோனா பரவலைத் தடுக்கும் வகையில் ஊரடங்கு உத்தரவு நீட்டிக்கப்பட்டுள்ளதால் வீட்டிலேயே பாதுகாப்பாக இருக்கிறார். சமூக வலைதளங்கள் மூலமாக ரசிகர்களுடன் தொடர்பில் இருக்கிறார் ஷிவானி. இந்நிலையில் அவர் தனது ட்ரான்ஸ்ஃபார்மேஷன் புகைப்படத்தை இன்ஸ்டாகிராமில் வெளியிட்டுள்ளார்.

ஷிவானி 4 வருடங்களுக்கு முன்னர் இருந்த நிலையும், தற்போது இருக்கும் நிலையும் என குறிப்பிட்டு வெளியிட்டுள்ள புகைப்படம்


வீட்டில் அவர் விதவிதமான உடைகளை அணிந்து புகைப்படங்களை சமூக வலைதளங்களில் வெளியிட்டு வருகிறார். நடனமாடியும், உடற்பயிற்சி செய்தும் வீடியோக்களை வெளியிடுவார் ஷிவானி. அவரின் புடவை புகைப்படம் படு வைரலாக சமூக வலைதளங்களில் சுற்றி வருகிறது. மேலும் வாத்தி கமிங் பாடலுக்கு நடனமாடியும் வீடியோ ஒன்றை வெளியிட்டிருந்தார்.

விதவிதமான உடைகளை அணிந்து புகைப்படம் எடுத்து இன்ஸ்டாவில் வெளியிடுவதே ஷிவானியின் அன்றாட பணிகளில் ஒன்றாக மாறிவிட்டது எனலாம். இந்த கொரோனா லாக்டவுன் சமயங்களில் ரசிகர்களுக்கும் அது பொழுது போக்காக மாறிவிட்டது. மேலும் பலரும் அவரது ஃபிட்னஸ் ரகசியங்களை கமெண்ட்களில் கேட்டு வந்தனர்.. இந்நிலையில் அவர் அதுகுறித்து மனம் திறந்துள்ளார்.

எப்படி செய்தேன் எனத் தெரியவில்லை. என்னால் செய்யமுடிகிறது என்றால் உங்களாலும் செய்யமுடியும் என குறிப்பிட்டுள்ளார்.