என்னையும் அம்மாவையும் ஏன் இப்படி கேவலமா திட்டுறீங்க... விஜே அர்ச்சனா மகள் வேதனை!

சின்னத்திரை தொகுப்பாளினிகளுள் பிரபலமானவர் அர்ச்சனா. இவருகென்று தனியொரு ரசிகர்கள் பட்டாளமும் உள்ளது. சன் டிவியில் இளமை புதுமை, காமெடி டைம் உள்ளிட்ட நிகழ்ச்சிகளைத் தொகுத்து வழங்கியதன் மூலம் பிரபலமானார். இவர் தற்போது விஜய் டிவியில் பேமஸான தொகுப்பாளனியாக கலக்கி கொண்டிருக்கிறார்.

கமல் தொகுத்து வழங்கிய பிக் பாஸ் சீசன் 4ல் கலந்து கொண்ட பிறகு தான் ஏகப்பட்ட ட்ரோல்களுக்கு ஆளானார் அர்ச்சனா. அதனைத் தொடர்ந்து, விஜய் தொலைக்காட்சியில் மிஸ்டர் அன்ட் மிசஸ் சின்னத்திரை நிகழ்ச்சியை தொகுத்து வழங்கி வந்தார். சிவகார்த்திகேயன் நடிப்பில் வெளிவந்த டாக்டர் படத்தில் அர்ச்சனா மற்றும் அவரின் மகள் சாரா இருவரும் அம்மா, மகள் கதாபாத்திரத்தில் நடித்திருந்தனர்.

அர்ச்சனா தனியாக யூடியூப் சேனல் ஒன்றும் நடத்தி வருகிறார். மகள் சாராவுடன் இணைந்து இவர் பதிவிடும் வீடியோ இணையத்தில் வைரலாவது வழக்கம். அண்மையில் தங்களது யூடியூப் சேனலில் அவர்களது வீட்டில் என்ன இருக்கு பாருங்க ஒவ்வொன்றையும் அறிமுகப்படுத்தி வந்தனர். வீட்டில் உள்ள கழிப்பறையில் பெரிய அறையே கட்டலாம் என்ற அளவிற்கு சிலாகித்து பேசியிருந்தனர்.

இதனை தொடர்ந்து நெட்டிசன்கள் பலரும் அந்த வீடியோவை கடுமையாக விமர்சித்தும் அதனை ட்ரோல் செய்தும் வந்தனர். அர்ச்சனா, சாரா இருவரும் சமூகவலைதளபக்கங்களில் எப்போதும் ஆக்டிவாக இருப்பார்கள். அந்த வகையில் அவர்கள் பதிவிடும் புகைப்படம் வீடியோ எதுவாக இருந்தாலும் நெட்டிசன்கள் அதனையும் ட்ரோல் செய்து வந்துள்ளனர்.

அவர் இல்லாமயா..?: 'குக் வித் கோமாளி' நிகழ்ச்சிக்கு திரும்ப வரும் 'அந்த' பிரபலம்!

அண்மையில் சேனல் ஒன்றில் அர்ச்சனா, சாரா இருவரும் கலந்துகொண்ட வீடியோவில் நெகட்டிவ் கமான்ட்கள் அதிகமாக வந்துள்ளன. இதனை பார்த்து நொந்து போன சாரா இன்ஸ்டாகிராமில் பகிர்ந்துள்ள பதிவு ஒன்று இணையத்தில் வைரலாகி வருகிறது. அதில், 'ஹாய் எல்லோருக்கும் வணக்கம் நாங்களும் மனுசங்கதான், எங்களுக்கும் பல கவலைகள் இருக்கு எதுக்காக என்னையும் எனது அம்மாவையும் இப்படி திட்டுறீங்க. ஏன் இப்படி ஹேட் பண்ற வார்த்தைகளால் திட்டுறீங்க ரொம்ப மனசு கஷ்டமா இருக்கிறது.

இவ்வளவு மோசமான வார்த்தைகளால் திட்டியது அதிகமாக பெண்கள் தான் இருக்கின்றனர். எங்க குடும்பம் அன்பை மட்டுமே எடுத்துக்கொள்வோம். அன்பால் மட்டுமே கொடுக்க நினைக்கிறோம். உங்களுக்கு எங்களை பிடிக்கலைனா உங்களது கருத்தை மதிக்கிறோம். உங்களோட நெகட்டிவ் கருத்தை எங்ககிட்ட ஏன் தர்றீங்க, அது ரொம்பவே எங்களை நொகடிக்கிறது' என பதிவிட்டுள்ளார். வைரலாகும் அவரின் இந்த பதிவிற்கு திவ்யதர்ஷினி உள்ளிட்டோர் ஆறுதல் தெரிவித்து வருகின்றனர்.