பாக்கியலட்சுமி சீரியல் கோபிக்கு இப்படியொரு சோதனையா.?: ஷாக்கிங் வீடியோ.!

விஜய் தொலைக்காட்சியில் ஒளிப்பரப்பாகி வரும் பிரபலமான சீரியல் பாக்கியலட்சுமி. இந்த தொடரின் நாயகன் கோபி மனைவியை பிடிக்காமல் குடும்பத்திற்காக சகித்து கொண்டு வாழ்த்து கொண்டிருக்கிறான். அந்த சமயத்தில் சந்திக்கும் முன்னாள் காதலி மீது மீண்டும் காதல் துளிர்கிறது. இதற்காக கோபி செய்யும் தகிடு தத்தங்கள், குடும்பத்திற்காக ஓடி ஓடி உழைக்கும் பாக்யாவின் தியாகம் என விறுவிறுப்பாக நகர்ந்து கொண்டிருக்கிறது பாக்கியலட்சுமி சீரியல்.

கோபி தனது மனைவிக்கு தெரியாமல் ராதிகாவுடன் நெருங்கி பழகி கொண்டிருக்கிறான். பாக்கியாவின் தோழியான ராதிகாவோ கோபியின் மனைவி யாரென்று தெரியாமல் அவனுடன் நெருங்கி பழகி கொண்டிருக்கிறாள். ராதிகாவுடன் ரொமான்ஸ், அதை மறைக்க வீட்டில் தகிடுதத்தங்கள் செய்வது என்று ரோமியோவாகவே வாழ்ந்து வருகிறார் கோபி.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

தற்போது இந்த சீரியலில் பாண்டியன் ஸ்டோர்ஸ் குடும்பத்துடன் இணைந்துள்ள மெஹா சங்ககமம் ஒளிப்பரப்பாகி வருகிறது. கோபி அப்பாவின் 75 ஆவது பிறந்தநாளை கொண்டாட அனைவரும் ஒன்று கூடியுள்ளனர். இந்த விழாவிற்கு வந்த மூர்த்தி, தனத்திற்கு அனைத்து உண்மைகளும் தெரிந்து, ராதிகாவிடம் கோபியை நம்ப வேண்டாம் என கூறியுள்ளனர்.

இந்நிலையில், நடிகர் சதீஷ்குமார், தனது இன்ஸ்டாகிராம் பக்கத்தில் உருக்கமான பதிவு ஒன்றை வெளியிட்டுள்ளார். அதில், இதற்கு முன்பு ஒரு இன்ஸ்டாகிராம் கணக்கு வைத்து இருந்தேன். அதில் கண்டபடி திட்டி மெசேஜ் வந்ததால், அதை டெலிட் செய்து விட்டு புதிய கணக்கு தொடங்கினேன்.

Baakiyalakshmi Serial: கோபியின் முகத்திரையை கிழித்த பாண்டியன் ஸ்டோர்ஸ் குடும்பம்..!

தற்போது இதிலும் மனம் கஷ்டப்படுத்துற மாதிரி திட்டுறாங்க. நல்ல நடிச்சாலும் தப்பு நல்ல நடிக்கலனாலும் தப்புனா நான் என்ன பண்றதுனு புரியல. கடவுள் எனக்கு ஏதோ ஒரு திறமை கொடுத்து இருக்கிறார் அதை வெளிப்படுத்தித்தான் கோபி கதாபாத்திரத்தில் நடத்தி வருகிறேன். கோபியா நல்ல நடிச்சாலும், நடிக்கலனாலும் தப்பாகி விடுகிறது.

சத்தியமா இந்த வாழ்க்கை பற்றி ஒன்னும் புரியல. ஏதோ கொடுத்த வேலையை ஒழுங்கா செய்கிறேன் என்ற மனதிருப்தி மட்டும் இருக்கு என்று மனவேதனையுடன் ஒரு வீடியோவை பதிவிட்டுள்ளார். அவரின் இந்த பதிவுக்கு பலர் ஆதரவு தெரிவித்து வருகின்றனர். கோபியின் கதாபாத்திரத்தில் நடிக்கும் சதிஷின் நடிப்புக்கென்று தனி ரசிகர் பட்டாளம் உள்ளது குறிப்பிடத்தக்கது.