பிக் பாஸ் பாலாஜியின் போன் ஆடியோ லீக்! விஸ்வரூபம் எடுக்கும் சர்ச்சை

பாலாஜி முருகதாஸ் பிக் பாஸ் வீட்டுக்குள் இருந்தபோது அவர் சனம் ஷெட்டியுடன் சண்டை போட்ட நேரத்தில் அவர் பங்கேற்று ஜெயித்த அழகி போட்டி டுபாக்கூர் என பாலாஜி கூறி இருந்தார். அதற்கு தன்னிடம் ஆதாரம் இருக்கிறது என கூறிய அவர், அதை வெளியில் வந்து நிரூபிப்பேன் என்றும் கூறி இருந்தார். பாலாஜி இப்படி பேசியதற்காக சனம் ஷெட்டி அவருடன் அதிகம் சண்டை போட்டார் என்பது குறிப்பிடத்தக்கது.

இந்நிலையில் அந்த நிறுவனத்தின் உரிமையாளர் ஜோ மைக்கேல் என்பவர் பாலாஜிக்கு எதிராக சட்டப்படி நடவடிக்கை எடுப்பதாக அறிவித்து, நோட்டீசும் பாலாஜிக்கு அனுப்பி இருந்தார்.

இந்நிலையில் பாலாஜி உடன் ஜோ மைக்கேல் போனில் பேசும் ஆடியோ இணையத்தில் வெளியாகி இருக்கிறது. அதனை ஜோ மைக்கேலும் ட்விட்டரில் வெளியிட்டு இருக்கிறார். இந்த சர்ச்சை தொடர்பாக விளக்கம் கேட்டு ஜோ மைக்கேல் இந்த போன் காலை செய்து இருக்கிறார்.

அந்த போன் உரையாடலில் ஜோ மைக்கல் மற்றும் பாலாஜி முருகதாஸ் இருவரும் மிகவும் கோபத்துடன் தான் பேசிக்கொள்கின்றனர். தான் அந்த சூழ்நிலையில் சனம் ஷெட்டியிடம் ஏன் அப்படி பேசினேன் என்பது பற்றி பாலாஜி விளக்கம் கொடுக்கிறார். ஆனால் ஜோ மைக்கேல் அதை ஏற்றுக்கொள்ளவில்லை.

பாலாஜி முருகதாஸ் தன்னிடம் ஆதாரம் இருக்கிறது என கூறிய நிலையில், அதை சமூக வலைத்தளத்தில் வெளியிடலாமே என ஜோ மைக்கேல் கூற, 'You are not even worth to give my attention in social media' என பாலாஜி பதில் அளித்து இருக்கிறார்.

மேலும் இந்த பிரச்னையை தான் சட்டப்படி சந்திக்க தயார் என்றும் தெரிவித்து உள்ளார். 'கேஸ் போடுவதென்றால் போட்டுக்கோங்க, நான் consequences சந்தித்து கொள்கிறேன்' என்று பாலாஜி கூறி உள்ளார்.

Not even Worth என சொல்லும் நீ ஏன் எனது eventக்கு வந்தே என ஜோ மைக்கேல் கேட்க, கெஞ்சி கூப்பிட்டதால் தான் வந்தேன் என அவர் பதில் சொல்கிறார். கெஞ்சி கூப்பிட்டது யாரு என ஜோ மைக்கேல் அவரை விடாமல் கேள்வி கேட்டிருக்கிறார்.

பாலாஜி முருகதாஸின் ரசிகர்கள் இந்த ஆடியோ லீக் தொடர்பாக சமூக வலைத்தளங்களில் கொந்தளிப்புடன் பதிவிட்டு வருகின்றனர். பலரும் ஜோ மைக்கேலை ட்விட்டரில் விமர்சித்து வரும் நிலையில் அவர்கள் பலரையும் ஜோ மைக்கேல் பிளாக் செய்து வருகிறார்.

"Genuine Arguments வரவேற்கிறேன். அதற்கு நான் பதிலும் கூறுவேன். ஆனால் நவ்தீறான் வார்த்தைகளை பயன்படுத்தினால் பிளாக் செய்துவிடுவேன். சப்போர்ட் பண்றேன் என்கிற பெயரில் பாலா தம்பியை பெருசா மாட்டி விட்றாதீங்க" என ஒரு ட்விட்டில் ஜோ மைக்கேல் குறிப்பிட்டு உள்ளார்.