Vijay Tv: புதிய பாரதியாக சன் டிவி பிரபலம்: கலக்கலாக துவங்கிய 'பாரதி கண்ணம்மா' சீசன் 2.!

விஜய் டிவி தொலைக்காட்சியில் ப்ரைம் டைமில் ஒளிப்பரப்பாகி வந்த சீரியல் 'பாரதி கண்ணம்மா'. கடந்த 2019 ஆம் ஆண்டு துவங்கப்பட்ட இந்த சீரியலில் ஹீரோவாக நடிகர் அருண் பிரசாத் நடித்து வந்தார். அவருக்கு ஜோடியாக ரோஷிணி ஹரிப்ரியன் நடித்து வந்தார். அவர் விலகியதை தொடர்ந்து வினுஷா என்பவர் கண்ணம்மாவாக 'பாரதி கண்ணம்மா' சீரியலில் எண்ட்ரி கொடுத்தார்.

கண்ணம்மாவை காதலித்து திருமணம் செய்யும் பாரதி அவர்மீது சந்தேகப்பட்டு வீட்டை விட்டு அனுப்புகிறார். அவருக்கு இரட்டை குழந்தைகள் பிறந்ததும்,தாயிடம் ஒரு குழந்தையையும் , தந்தையிடமும் குழந்தையையும் பிரித்து வளர்க்க வைக்கிறார் சௌந்தர்யா. இந்த இரண்டு குழந்தைகளை வைத்து தனது மகன் பாரதியையும், மருமகள் கண்ணம்மாவையும் சேர்த்து வைக்கலாம் என திட்டம் தீட்டுக்கிறாள்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

ஆனால் வில்லி வெண்பா தனது சதித்திட்டத்தால் பாரதி மனதில் கண்ணம்மா பற்றி முழுமையாக வெறுப்பை விதைக்கிறாள். எப்படியாவது பாரதியை அடைந்துவிட வேண்டும் என நினைக்கிறாள். இதையெல்லாம் தாண்டி பாரதி, கண்ணம்மா இருவரும் எப்படி ஒன்று சேர்கிறார்கள் என்பதை கடந்த ஐந்து வருடமாக ஜவ்வாக இழுத்து வந்தார் இயக்குனர்.

பாரதிக்கு வெண்பா பற்றிய உண்மைகளை தெரிந்த உடனே இந்த சீரியல் முடிவுக்கு வரும் என ரசிகர்கள் எதிர்பார்த்தனர். ஆனால் அதையும் தாண்டி மேலும் ஒரு கதை களத்துடன் சீரியல் கண்டினியூ ஆனது. இந்நிலையில் பாரதி, கண்ணம்மா இருவரின் திருமணத்துடன் சீரியல் முடிவுக்கு வந்துள்ளது.

Baakiyalakshmi Serial: அமிர்தாவை படு கேவலமாக பேசிய ஈஸ்வரி: வசமாக சிக்கிய கோபி.!

இந்த சீரியல் முடிவுக்கு வந்த உடனே 'பாரதி கண்ணம்மா' இரண்டாம் சீசனுக்கான அறிவிப்பை வெளியிட்டுள்ளனர். முதல் சீசனில் நடித்த, நடிகைகள் பலர் மாறிய நிலையிலும் ஹீரோ அருண் பிரசாத் மட்டும் ஐந்து வருடமாக பாரதியாக நடித்து வந்தார். இந்நிலையில் தற்போது இரண்டாம் பாகத்தில் சன் டிவி 'ரோஜா' சீரியலில் நடித்து பிரபலமான சிபு சூரியன் ஹீரோவாக நடிக்கிறார்.

Baakiyalakshmi Serial: மேடையில் வைத்து கோபியை அசிங்கப்படுத்திய எழில்: அதிர்ச்சியில் பாக்யா.!

இது தொடர்பாக வெளியாகியுள்ள புரோமோவில் ஹீரோவாக சிபுவும், ஹீரோயினாக வினுஷாவும் நடிப்பது உறுதியாகியுள்ளது. கடந்த முறை சிட்டியை மையமாக வைத்து கதை நகர்ந்த நிலையில், தற்போது கிராமத்து கதைக்களத்தில் சீரியல் ஒளிப்பரப்பாகவுள்ளது புரோமோவிலே தெரிகிறது. இந்த புரோமோ வீடியோ தற்போது இணையத்தில் வைரலாகி வருகிறது.