டிஆர்பியில் இந்த வாரமும் பாரதி கண்ணம்மா முதலிடம்! இரண்டாம் இடத்தில் எந்த சீரியல் தெரியுமா?

டிஆர்பியில் அனைத்து தொலைக்காட்சிகளுக்கும் நடுவில் போட்டி இருந்துகொண்டே இருப்பது தெரிந்த விஷயம் தான். அதிகம் ரசிகர்களை கவர்ந்து டிஆர்பியில் இடம் பிடிப்பதற்காகவே டிவி சேனல்கள் அனைத்தும் போட்டி போட்டு கொண்டு சிறப்பான நிகழ்ச்சிகளை உருவாக்கி ஒளிபரப்புகின்றன.

வாரம் தோறும் அதிகம் ரசிகர்களால் பார்க்கப்படும் நிகழ்ச்சிகளின் விவரங்களை வாரம்தோறும் BARC வெளியிட்டு வருகிறது. இந்த வருடத்தின் ஆறாவது வாரத்திற்கான புள்ளிவிவரம் சென்ற வாரம் வெளிவந்து இருந்தது. அதில் பாரதி கண்ணம்மா சீரியல் முதலிடம் பிடித்து இருந்தது. அதற்கடுத்த இடங்களை தான் சன் டிவி நிகழ்ச்சிகள் பெற்று இருந்தன.

இந்நிலையில் ஏழாவது வாரம், பிப்ரவரி 13ம் தேதி முதல் 19ம் தேதி வரையிலான காலகட்டத்திற்கான புள்ளி விவரங்கள் வெளிவந்திருக்கிறது. இந்த வாரத்திலும் பாரதி கண்ணம்மா சீரியல் தான் முதலிடம் பிடித்து இருக்கிறது.

இரண்டாம் இடத்தை சன் டிவியில் ஒளிபரப்பான நம்ம வீட்டு பிள்ளை திரைப்படம் பெற்று இருக்கிறது. அதற்கடுத்த இடங்களில் சன் டிவியின் ரோஜா மற்றும் வானத்தை போல சீரியல்கள் பெற்று இருக்கின்றன.

ஐந்தாவது இடத்தில் விஜய் டிவியின் மற்றொரு முக்கிய சீரியலான பாண்டியன் ஸ்டோர்ஸ் / பாக்கியலட்சுமி மெகா சங்கமம் சீரியல் பெற்று இருக்கிறது. இந்த இரண்டு சீரியல்களின் கதாபாத்திரங்களும் ஒன்றாக சந்திப்பது போல இந்த மெகா சங்கமம் கதை மாற்றப்பட்டு இருந்தது குறிப்பிடத்தக்கது.


டாப் 5 ப்ரோக்ராம் லிஸ்டில் விஜய் டிவியின் பாரதி கண்ணம்மா முதலிடம் பிடித்து இருந்தாலும், டாப் 5 சேனல்கள் லிஸ்டில் சன் டிவி தான் வழக்கம் போல முதலிடம் பிடித்து இருக்கிறது. இரண்டாம் இடத்தில் விஜய் டிவி மற்றும் மூன்றாம் இடத்தில் ஜீ தமிழ் தொலைக்காட்சிகள் உள்ளன.

நான்காம் இடத்தில் கேடிவி மற்றும் ஐந்தாம் இடத்தில் விஜய் சூப்பர் டிவி ஆகியவை உள்ளன.