பாரதி கண்ணம்மா ஷூட்டிங்கில் இருந்து வில்லி வெண்பா வெளியிட்ட வீடியோ

விஜய் டிவியில் ஒளிபரப்பாகி வரும் பாரதி கண்ணம்மா சீரியல் சின்னதிரையில் டாப் சீரியலாக இருந்து வருகிறது. கடந்த சில வாரங்களாக பாரதி கண்ணம்மா தான் டிஆர்பியில் முதலிடத்தில் இருந்து வந்தது. ஆனால் தற்போது இரண்டாவது இடத்தில் இருந்து வருகிறது.

இந்த வாரம் பாரதி கண்ணம்மா சீரியல் ராஜா ராணி 2 சீரியலுடன் சேர்ந்து மெகா சங்கமமாக ஒளிபரப்பாகி வருகிறது. இந்த இரண்டு சீரியல் குடும்பங்களும் ஒரு போட்டிக்கு செல்கின்றனர்.

கண்ணம்மாவை பாரதிக்கு தெரியாமல் மாமியார் இந்த போட்டிக்கு செல்லும் நிலையில் தற்போது பாரதியை தூண்டிவிட்டு வெண்பா ரிசார்ட்டுக்கு அழைத்து செல்கிறார். அப்போது பாரதி மற்றும் கண்ணம்மா இடையே கடும் சண்டை நடக்கிறது. ஆனால இறுதியில் மாமியார் சொன்னதால் கண்ணம்மா தான் அங்கேயே இருப்பதாக கூறுகிறார். பாரதியும் அங்கே இருக்க ஒப்புக்கொள்கிறார்.

அதனால் இந்த 'சூப்பர் குடும்பம்' போட்டியில் எலியும் பூனையுமாக இருக்கும் பாரதி மற்றும் கண்ணம்மா ஆகியோர் உடன் தான் கலந்துகொள்ளப் போகிறார்கள்.

இந்நிலையில் சீரியல் ஷூட்டிங் ஸ்பாட்டில் இருந்து வில்லி வெண்பாவாக நடித்து வரும் நடிகை ஃபரினா இன்ஸ்டாகிராமில் ஒரு வீடியோ வெளியிட்டு இருக்கிறார்.

அதில் அவரும் அந்த போட்டி அரங்கில் பாரதி உடன் அமர்ந்து இருக்கிறார். அதனால் அவரும் இந்த மெகா சங்கமம் முழுவதும் வருவார் என எதிர்பார்க்கப்படுகிறது.