மிடில் ஏஜ் ஆண்ட்டி என்றவருக்கு பிக்பாஸ் ஷெரின் அளித்த பதில்!

தமிழ் சினிமாவில் ஒரு சில படங்களில் நடித்துவிட்டு பின் ஒதுங்கியிருந்தவர் ஷெரின். இவர் பிக்பாஸ் மூலம் தமிழக மக்களுக்கு தொலைக்காட்சி வாயிலாக ரீஎண்ட்ரி கொடுத்தார். இவரின் அழகான பேச்சு, அன்பான குணம் ஆகியவை இவருக்கு தனி ரசிகர்களை பெற்றுத் தந்தது. ஷெரின் ஆர்மியும் உருவாகி, அவருக்கு ஆதரவளிக்கத் தொடங்கினர். பிக்பாஸ் டைட்டிலை வெல்லாவிட்டாலும், நிறைய ரசிகர்களை சம்பாதித்திருந்தார் ஷெரின். இந்நிலையில் அவரது புகைப்படத்தில் ஆண்ட்டி என்ற ஒருவருக்கு ஷெரின் பதிலளித்துள்ளார்.

பிக்பாஸ் முடிந்த பிறகு பெரிய அளவில் வாய்ப்பு இல்லாததாலும், கொரோனா பாதிப்பால் வீட்டிலேயே முடங்கியிருப்பதாலும், ஷெரின் தனது அழகிய புகைப்படங்களும், நெகிழ்ச்சியான தருணங்களையும் சமூக வலைதளங்களில் பகிர்ந்து வருகிறார். அதில் ரசிகர்கள் அவரை பாராட்டி வருகின்றனர்.

ஷெரின் வெளியிட்ட புகைப்படம் ஒன்றில் ஒருவர் அவரைப் பற்றி தான் ஆரம்பத்தில் நினைத்ததை குறிப்பிட்டுள்ளார். அவர் தெரிவித்துள்ளதாவது,



நீங்கள் பிக்பாஸ் வீட்டுக்கு வரும்போது மிடில் ஏஜ் ஆண்ட்டி எனவே நினைத்தேன். பலரும் அப்படித்தான் நினைத்தார்கள். ஆனால் தற்போது நிச்சயமாக என்னுடைய எண்ணங்களுக்காக வருத்தம் தெரிவிக்கிறேன். நாளுக்கு நாள் இளமையாக மாறி வருகிறீர்கள். என்ன நடக்கிறது என ஒன்றும் புரியவில்லை. நீங்கள் அவ்வளவு அழகாக இருக்கிறீர்கள் என்று குறிப்பிட்டுள்ளார்.

அதற்கு பதிலளித்த ஷெரின், ஆம் உண்மைதான், மக்கள் வெளிப்புறத் தோற்றத்தை வைத்து உடனடியாக முடிவெடுக்கிறார்கள். அது மற்றவர்களை காயப்படுத்தும் வகையிலேயே இருக்கிறது. நாம் வாழும் உலகில் நம்மை நாமே எவ்வளவு காதலிக்கவேண்டும், நம்மைப் பற்றிய உண்மைகளை நாம் ஒப்புக்கொள்ள வேண்டும் என்று குறிப்பிட்டுள்ளார்.