விஜய் டிவியில் ஒளிபரப்பான பிக்பாஸ் நிகழ்ச்சியின் மூலம் பிரபலமானவர் கேப்ரியல்லா. குழந்தை நட்சத்திரமாக பல படங்களில் நடித்துள்ளார். ஆனால் பிக்பாஸ் நிகழ்ச்சியின் மூலம் பட்டிதொட்டியெங்கும் ரீச்சானார்.
டான்ஸரான கேபி பல்வேறு தொலைக்காட்சி நிகழ்ச்சிகளிலும் பங்கேற்றுள்ளார். தற்போது விஜய் டிவியில் ஒளிபரப்பாகி வரும் ஈரமான ரோஜாவே இரண்டாம் பாகத்தில் நடித்து வருகிறார் நடிகை கேபி.
சமூக வலைதளங்களில் ஆக்டிவாக உள்ள கேபி அவ்வப்போது தனது போட்டோக்களையும் வீடியோக்களையும் ஷேர் செய்து வருகிறார். குறிப்பாக கேபி ஷேர் செய்யும் ரீல் வீடியோக்களை ரசிப்பதற்கு என்றே பெரும் கூட்டம் சமூக வலைதளங்களில் அவரை பின்தொடர்ந்து வருகிறது.
சமீபத்தில் புல்லட்டு பாடலுக்கு ஆஜித்துடன் சேர்ந்து நடனமாடியிருந்தார் கேபி. அந்த வீடியோ செம வைரலானது. இந்நிலையில் மேலும் ஒரு வீடியோவை ஷேர் செய்து கலக்கியுள்ளார் கேபி. அதில் தனது டிரெஸ் மற்றும் நகைகளை பெட்டில் தூக்கி போடும் கேபி பின்னர் அதன்மீது படுத்து எழும்புகிறார்.
அப்போது ஆளே மாறி போயுள்ளார். இதனை பார்த்த ரசிகர்கள் வேற லெவல் என வாயை பிளந்துள்ளனர். இன்னும் சிலர் வாட்ச் மிஸ்ஸிங் என கூறி வருகின்றனர். கேபியின் இந்த வீடியோ லைக்ஸ்களை குவித்து வருகிறது.