நிரூப்புடன் க்ளோஸாக போஸ் கொடுத்த ஐக்கி.... கேப்ஷன பாத்தீங்களா!

பிக்பாஸ் சீசன் 5 நிகழ்ச்சியில் பங்கேற்றவர் ஐக்கி பெர்ரி. அழகுக்கலை நிபுணரான ஐக்கி பெர்ரி, ராப் பாடகியாகவும் உள்ளார். கோல்டன் கலர் ஹேர் மாடர்ன் டிரெஸ் என வெளிநாட்டு பெண் தோற்றத்தில் இருந்து வருகிறார்.

பிக்பாஸ் நிகழ்ச்சியில் இருந்து வெளியேறும் சில வாரங்களுக்கு முன்பாக தான் நிரூப்பிடம் நெருக்கமானார் ஐக்கி பெர்ரி. ஐக்கி பெர்ரியுடந் நிரூப் பழகுவது பிரியங்காவுக்கு பிடிக்காமல் இருந்த போதும் கூட இருவரும் நல்ல நட்பை கொண்டிருந்தனர்.


நிகழ்ச்சியில் இருந்து வெளியேறியபோது கூட கமலுடன் மேடையில் இருந்தப்படியே தனக்கும் நிரூப்புக்கும் இடையே நல்ல எமோஷ்னல் பாண்ட் இருப்பதாக கூறினார் ஐக்கி பெர்ரி. தற்போது பிக்பாஸ் நிகழ்ச்சி நிறைவடைந்துள்ள நிலையில் ஐக்கி பெர்ரி சக போட்டியாளர்களை சந்தித்த வருகிறார்.

அதன்படி தாமரை செல்வியை சந்தித்த ஐக்கி பெர்ரி, அவருடன் ஊ சொல்றியா பாடலுக்கு நடனமாடி வீடியோவை ஷேர் செய்திருந்தார். இதனை தொடர்ந்து பிரியங்காவை சந்தித்த ஐக்கி பெர்ரி அவருடன் எடுத்த போட்டோவையும் தனது சமூக வலைதள பக்கத்தில் பதிவிட்டிருந்தார்.

இந்நிலையில் நிரூப்பை சந்தித்துள்ள ஐக்கி பெர்ரி அவருடன் எடுத்த போட்டோவை தனது இன்ஸ்டா பக்கத்தில் வெளியிட்டுள்ளார். அதில் நிரூப்பை கட்டி அணைத்தப்படி போஸ் கொடுத்துள்ள ஐக்கி, அந்த போட்டோவுக்கு எல்லா பெண்களுக்கும் ஒரு ஆண் பெஸ்ட் ஃபிரண்ட்டாக இருக்க வேண்டும் ஏன் தெரியுமா என கேட்டு விளக்கமும் கொடுத்துள்ளார் ஐக்கி.


அவர்கள்தான் ரகசியங்களை வெளியே சொல்ல மாட்டார்கள், எனக்கு பிடித்த ஆண்களை அவர்கள் தாக்கமாட்டார்கள், அவர்கள் முதுகில் குத்த மாட்டார்கள். அவர்கள் சொல்வதை கேட்பார்கள், அவர்கள் நல்ல அறிவுரை கூறுவார்கள், அவர்கள் எல்லா நாளும் நம்மிடம் பேசாவிட்டாலும் நம்மை விட்டு போக மாட்டார்கள் என பதிவிட்டுள்ளார். இதேபோல் சிபி மற்றும் ராஜூவையும் சந்தித்துள்ள ஐக்கி பெர்ரி அந்த போட்டோக்களையும் தனது இன்ஸ்டா பக்கத்தில் ஷேர் செய்துள்ளார்.