முதல் நாளே சர்ச்சையில் சிக்கிய குக் வித் கோமாளி சீசன் 3: அப்படி என்ன நடந்துச்சு..?

விஜய் தொலைக்காட்சியில் ஒளிப்பரப்பாகும் 'குக் வித் கோமாளி' நிகழ்ச்சிக்கு என்றே ஒரு தனி ரசிகர் படை உள்ளது. முதல் சீசனுக்கு கிடைத்த வரவேற்பை தொடர்ந்து இரண்டாம் சீசனுக்கு அதை அதிக அளவில் வரவேற்பு கிடைத்தது. இந்நிலையில் ரசிகர்கள் அதிகம் எதிர்பார்த்த இந்நிகழ்ச்சியின் மூன்றாவது சீசன் தற்போது துவங்கயுள்ளது.

குக் வித் கோமாளி மூலம் மக்கள் மத்தியில் மிகப்பெரிய அளவில் சிலர் வரவேற்பை பெற்றனர். அதில் முக்கிய பங்கு வகிக்கும் புகழ் அஜித்தின் 'வலிமை', விஜய்யின் 'பீஸ்ட்' ஆகிய படங்களில் நடிக்கும் வாய்ப்பை பெற்றுள்ளார். அதேபோன்று அஸ்வின் குமார் 'என்ன சொல்ல போகிறாய்' படத்தின் மூலம் கதாநாயகனாக அறிமுகம் ஆகியுள்ளார்.

இந்நிலையில் தற்போது ரசிகர்கள் அதிகம் எதிர்பார்த்த குக் வித் கோமாளி நிகழ்ச்சியின் மூன்றாவது சீசன் ஆரம்பம் ஆகியுள்ளது. கடந்த சனி மற்றும் ஞாயிற்றுக்கிழமை 10 கோமாளிகள், 10 குக்குகளின் அறிமுகம் நடந்தது. இந்த சீசனின் புது கோமாளிகளாக சூப்பர் சிங்கர் பரத், மூக்குத்தி முருகன், குரேஷி ஆகியோர் களம் இறங்கியுள்ளனர்.

இரண்டாம் திருமணம் பற்றி குண்டை தூக்கி போட்ட பாவனி: அதிர்ச்சியில் ரசிகர்கள்!

நேற்றைய தினம் கலகலப்பாக நடைபெற்ற நிகழ்ச்சியில் பரத், செஃப் வெங்கடேஷ் பட்டை கலாய்க்க, போன சீசன்களில் புகழ், பாலா செஃப் வெங்கடேஷிடம் அடி வாங்கியது போல பரத்தும் அடி வாங்கினார். குச்சியை வைத்து செஃப் துரத்த, பரத் செட்டை சுற்றி சுற்றி ஓடினார். செஃப்வும் விடாமல் துரத்தி போய் பரத்தை அடித்தார். இந்த காட்சிகள் சமூக வலைத்தளங்களில் வைரலானது.

இந்நிலையில் பலரும் இதெல்லாம் பார்க்க காமெடியாக இருந்தாலும் வெங்கடேஷ் பட், கோமாளிகளை அடிப்பதை குறைத்தால் நன்றாக இருக்கும் என கருத்து தெரிவித்தனர். இந்த சர்ச்சைக்கும் முற்றுப்புள்ளி வைக்கும் விதமாக செஃப் வெங்கடேஷ் பட் தனது பேஸ்புக் பக்கத்தில் பதிவு ஒன்றை பகிர்ந்துள்ளார்.


அதில், பொழுதுபோக்கு நிகழ்ச்சியை வெறும் டிவி நிகழ்ச்சியாக மட்டுமே பாருங்கள். உண்மையில் யாரையும் காயப்படுத்தும் விதத்தில் அடிக்கவில்லை. அது எனது நோக்கம் இல்லை.செட்டில் நடப்பவை எல்லாமே வெறும் ஃபன் மற்றும் நகைச்சுவை மட்டுமே. அதுவும் உங்களை மகிழ்விக்க மட்டுமே என குறிப்பிட்டுள்ளார். அவரின் இந்த பதில் ரசிகர்கள் மத்தியில் வரவேற்பை பெற்று வருகிறது.