Chinna Thambi Serial: சீரியலில் சின்னத்தம்பி அம்மா, படத்தில் சின்னத்தம்பி பிரபுவின் மனைவி... அணிலா ஸ்ரீகுமாரின் அத்தியாயம்

சின்னத்திரையில் நடித்து வரும் அணிலா ஶ்ரீகுமார் தற்போது பலருக்கும் பரிட்சயமான முகமாக மாறியுள்ளது.

சின்னத்திரை தொடர்களில் மட்டுமல்லாமல் தற்போது அணிலா ஶ்ரீகுமார் வெள்ளித்திரையில் நடிக்கும் வாய்ப்பு கிடைத்துள்ளதாம்.

அது குறித்து பேசியுள்ள அணிலா ஶ்ரீகுமார், “என் சின்ன வயது சினிமா ஆர்வத்தால் இந்த ஃபீல்டுக்கு வந்தேன். மலையாளத்தில்தான் என்னுடைய முதல் படம் ரிலீஸாச்சு. ஆனால் எதிர்பார்த்த அளவுக்கு ஓடவில்லை. அதனால் நான் கடந்த 2015ல் சின்னத்திரைக்கு வந்தேன். விஜய் டிவியில் நடிக்க வாய்ப்பு கிடைத்தது. என்னுடைய முதல் தொடர் தேனியில் படப்பிடிப்பு நடந்தது. ஆனால் சில தவிர்க்க முடியாத காரணங்களினால் தொடர் ஒளிபரப்பாகவில்லை.

முதல் தொடரே இப்பை ஆகிவிட்டதே என இடிந்திருந்த எனக்கு இயக்குனர் அருள் ராசன் சின்னத் தம்பி சீரியலில் அன்ன லட்சுமி என்ற கதாபாத்திர வாய்ப்பு கொடுத்தார்.

அப்போது முதல் மக்கள் மனதில் அன்னம் என்ற பெண்ணாக அடையாளம் பதிந்துவிட்டது. ” என்றார் சிரித்துக் கொண்டே.



படத்தில் நடிக்கும் வாய்ப்பு குறித்து கேட்டதற்கு, “ஒரு படத்தில் நடிக்கும் வாய்ப்பு கிடைத்துள்ளது. ஆனால் அது குறித்து எதுவும் வெளியில் கூறவேண்டாம் என இயக்குனர் தெரிவித்துள்ளதால், இதை மட்டும் சொல்லிக் கொள்கிறேன். சீரியலில் சின்னத்தம்பிக்கு அம்மாவாக நடிக்கும் நான், வெள்ளித்திரையில் சின்னத் தம்பிக்கு மனைவியாக நடித்துள்ளேன்.” என தெரிவித்துள்ளார்.