அடடா.. குக் வித் கோமாளில இவுங்கலாம் இருக்காங்களா: வெளியான புதிய தகவல்!

விஜய் தொலைக்காட்சியில் ஒளிப்பரப்பாகும் 'குக் வித் கோமாளி' நிகழ்ச்சிக்கு என்றே ஒரு தனி ரசிகர் படை உள்ளது. முதல் சீசனுக்கு கிடைத்த வரவேற்பை தொடர்ந்து இரண்டாம் சீசனுக்கு அதை அதிக அளவில் வரவேற்பு கிடைத்தது. இந்நிலையில் ரசிகர்கள் அதிகம் எதிர்பார்த்த இந்நிகழ்ச்சியின் மூன்றாவது சீசன் இன்னும் சில வாரங்களில் துவங்க உள்ளது.

குக் வித் கோமாளி மூலம் மக்கள் மத்தியில் மிகப்பெரிய அளவில் சிலர் வரவேற்பை பெற்றனர். அதில் முக்கிய பங்கு வகிக்கும் புகழ் அஜித்தின் 'வலிமை', விஜய்யின் 'பீஸ்ட்' ஆகிய படங்களில் நடிக்கும் வாய்ப்பை பெற்றுள்ளார். அதேபோன்று அஸ்வின் குமார் 'என்ன சொல்ல போகிறாய்' படத்தின் மூலம் கதாநாயகனாக அறிமுகம் ஆகியுள்ளார்.

இந்நிலையில் தற்போது ரசிகர்கள் அதிகம் எதிர்பார்த்த குக் வித் கோமாளி நிகழ்ச்சியின் மூன்றாவது சீசன் ஆரம்பம் ஆகிறது. இதற்கான புரோமோ சமீபத்தில் வெளியாகி இருந்தது. இந்த சீசனின் யார் யார் கலந்து கொள்ள போகிறார்கள் என்பதை அறிய ரசிகர்கள் ஆர்வமுடன் காத்திருந்தனர்.

வில்லி கேரக்டருக்கு டாட்டா சொல்லும் பரீனா..?: விரைவில் வேறு சீரியலில் என்ட்ரி!

இந்நிலையில் இந்த நிகழ்ச்சியில் பங்குபெறும் போட்டியாளர்களின் பட்டியல் குறித்த தகவல் வெளியாகியுள்ளது. அதில், பாரதி கண்ணம்மா சீரியல் புகழ் ரோஷினி ஹரிப்ரியன், அசுரன் ராட்சசன் போன்ற படங்களில் நடித்த அம்மு அபிராமி. நீதானே என் பொன்வசந்தம் படத்தில் நடித்த வித்யுல்லேகா ராமன், தும்பா கனா போன்ற படங்களில் நடித்த தர்ஷன் ஆகியோர் இடம்பெற்றுள்ளனர்.

மேலும், நடிகரும் இயக்குனருமான மனோபாலா, பாடகி கிரேஸ் கருணாஸ், சார்ப்பட்ட பரம்பரை புகழ் சந்தோஷ் பிரதாப், பாடகர் அந்தோணி தாசன் ஆகியோரும் இடம் பிடித்துள்ளனர். இவர்களை தவிர இன்னும் சிலர் இந்த நிகழ்ச்சியில் கலந்து கொள்வார்கள் என்று எதிர்ப்பார்க்கப்படுகிறது