பிக் பாஸ் அழைப்பு வந்ததா? குக் வித் கோமாளி கனி சொன்ன பதில்

குக் வித் கோமாளி 2ல் முதல் ஆளாக பைனலுக்கு முன்னேறி இருக்கிறார் கனி. இயக்குனர் அகத்தியனின் மகளான இவர் இயக்குனர் திருவை காதலித்து திருமணம் செய்து கொண்டார். குக் வித் கோமாளி ஷோ தற்போது இறுதி கட்டத்தை எட்டி இருக்கும் நிலையில் கனி செமி பைனலில் ஜெயித்து முதல் ஆளாக குக் வித் கோமாளி பைனலுக்கு முன்னேறி இருக்கிறார்.

இந்நிலையில் கனிக்கு பிக் பாஸ் ஐந்தாவது சீசனில் போட்டியாளராக கலந்துகொள்ள வாய்ப்பு வந்திருக்கிறது என தகவல் ஒரு வாரத்திற்கும் மேலாக பரவி வருகிறது. இது பற்றி இத்தனை நாள் எந்த விதமான விளக்கத்தையும் அளிக்காமல் இருந்து வந்தார் கனி.

தற்போது அவர் தனது youtube சேனலில் வெளியிட்டு இருக்கும் வீடியோவில் பிக் பாஸ் பற்றி பேசி இருக்கிறார்.

"பிக் பாஸுக்கு அழைப்பு வந்ததா என்றால், எனக்கு அப்படி எந்த அழைப்பும் வரவே இல்லை. அதனால் dont worry. அப்படி வந்தால் கண்டிப்பாக உங்கள் எல்லோரிடமும் கூறுவேன்' என தெரிவித்து உள்ளார் கனி.

கனி வெளியிட்டு இருக்கும் வீடியோவை பார்த்த நெட்டிசன்கள் கமெண்டில் 'பிக் பாஸ் மட்டும் போய்டாதீங்க. உங்க பெயர் கெட்டுப்போய்டும்' என கூறி வருகிறார்கள்.