தொடங்கியாச்சு குக் வித் கோமாளி சீசன் 3: யார் யார் கலந்துக்க போறாங்க தெரியுமா?

விஜய் தொலைக்காட்சியில் ஒளிப்பரப்பாகும் 'குக் வித் கோமாளி' நிகழ்ச்சிக்கு என்றே ஒரு தனி ரசிகர் படை உள்ளது. முதல் சீசனுக்கு கிடைத்த வரவேற்பை தொடர்ந்து இரண்டாம் சீசனுக்கும் அதிக அளவில் வரவேற்பு கிடைத்தது. இந்நிலையில் ரசிகர்கள் அதிகம் எதிர்பார்த்த இந்நிகழ்ச்சியின் மூன்றாவது சீசன் இன்னும் சில வாரங்களில் துவங்க உள்ளது.

குக் வித் கோமாளி மூலம் மக்கள் மத்தியில் மிகப்பெரிய அளவில் சிலர் வரவேற்பை பெற்றனர். அதில் முக்கிய பங்கு வகிக்கும் புகழ் அஜித்தின் 'வலிமை', விஜய்யின் 'பீஸ்ட்' ஆகிய படங்களில் நடிக்கும் வாய்ப்பை பெற்றுள்ளார். அதேபோன்று அஸ்வின் குமார் 'என்ன சொல்ல போகிறாய்' படத்தின் மூலம் கதாநாயகனாக அறிமுகம் ஆகியுள்ளார்.

இந்நிலையில் தற்போது ரசிகர்கள் அதிகம் எதிர்பார்த்த குக் வித் கோமாளி நிகழ்ச்சியின் மூன்றாவது சீசன் ஆரம்பம் ஆகிறது. இதற்கான புரோமோ சமீபத்தில் வெளியாகி இருந்தது. இந்த சீசனின் யார் யார் கலந்து கொள்ள போகிறார்கள் என்பதை அறிய ரசிகர்கள் ஆர்வமுடன் காத்திருந்தனர்.

Roja Serial : அனு சொல்லும் உண்மைகளே உயிருக்கு ஆபத்தாகுமா? - ரோஜா திடீர் திருப்பங்கள்

இந்நிலையில் விஜய் டிவி தொலைக்காட்சியில் ஒளிப்பரப்பான பிரபல சீரியல் பாரதி கண்ணம்மாவில் லீட் ரோலில் நடித்த ரோஷினி ஹரிப்பிரியன், அண்மையில் இந்த சீரியலில் இருந்து விலகினார். இவர் குக் வித் கோமாளி சீசன் 3யில் கலந்து கொள்ளவிருப்பதாக சோஷியல் மீடியாவில் பரப்பரப்பாக செய்திகள் பரவியது.

இதனை உறுதிப்படுத்தும் விதமாக தற்போது வெளியாகியுள்ள புரோமோவில் ரோஷினி இடம்பெற்றுள்ளார். மேலும், சந்தோஷ், மனோபாலா, அந்தோணி தாசன், வித்யுலேகா ராமன், அம்மு அபிராமி, தர்ஷன், கிராஸ் கருணாஸ் என மொத்தம் 8 போட்டியாளர்கள் கலந்துகொள்ள உள்ளனர். இந்த நிகழ்ச்சி ஜனவரி கடைசி வாரத்தில் தொடங்க இருப்பதாக கூறப்படுகிறது.