ஜாதி வெறி.. இந்த வார நீயா நானா Interesting-ஆ இருக்கும் போலயே! - ப்ரொமோ இதோ

விஜய் டிவியில் கோபிநாத் தொகுத்து வழங்கி வரும் நீயா நானா ஷோவுக்கு அதிக அளவு ரசிகர்கள் இருக்கிறார்கள். வாரம் தோறும் வித்யாசமான தலைப்பில் இரண்டு தரப்பினர் இடையே விவாதம் நடந்து வருகிறது.

கடந்த வாரம் டேட் லிட்டில் பிரின்சஸ் மற்றும் அதனால் எரிச்சல் அடையும் அம்மாக்கள் இடையே விவாதம் நடைபெற்றது. அதனை தொடர்ந்து இந்த வார நீயா நானா ஷோவில் ஜாதி பெருமையை பேசும் நபர்கள் மற்றும் அதை கண்டிக்கும் நபர்கள் இடையே தான் வாக்குவாதம் நடைபெற்று இருக்கிறது.

அதன் டீஸர் தற்போது வெளிவந்து இருக்கிறது. இதோ..


ஜாதி பெருமை பேசும் போது உங்களுக்குள் ஏற்படும் மாற்றம் என்ன என்பது பற்றி கோபிநாத் கேட்க அதற்க்கு ஒரு நபர் 'மீசையை முறுக்கி விட வேண்டும் என தோன்றும், நெஞ்சை நிமித்தி நடக்கணும் என தோன்றும்' என சொல்கிறார். மற்றொருவர் தான் கட்டி இருக்கு வேட்டியை தூக்கி கட்டி வீம்புக்கு என்றே மீசையை முறுக்குவோம் என செய்தே காட்டுகிறார்.

ஜாதிப் பெருமை பேசுவதை எதிர்க்கும் நபர்கள் பேசும் போது, 'உயிரை காப்பாற்றியவர் வந்தால் கூட அவரரிடமும் மரியாதை குறைவாக தான் நடப்பார்கள்', 'தனியாக இருக்கும்போது மற்றும் நான்கு பேர் சேர்ந்து இருக்கும் போது அதிக மாற்றம் இருக்கும்' என குற்றம் சாட்டுகிறார்.

'தனியாக இருக்கும் போது பயமாக இருக்கும், நான்கு பேராக இருக்கும் போது அது ஜாதி' என அதற்கு விளக்கம் கொடுக்கிறார் ஒரு நபர். பயமாக இருக்கும் என நீயே சொன்னா எப்படி என அவரை கோபிநாத் கிண்டல் செய்திருக்கிறார்.