10 வருடங்களாக காதலித்து வந்த காதலியை கரம் பிடித்த மாப்பிள்ளை சீரியல் நடிகர் மானஸ்!

கிட்டத்தட்ட 10 வருடங்களாக காதலித்து வந்த தனது காதலியை தொலைக்காட்சி நடிகர் மானஸ் திருமணம் செய்து கொண்டுள்ளார்.

மனதில் உறுதி வேண்டும் என்ற தொலைக்காட்சி தொடரின் மூலம் அறிமுகமானவர் மானஸ் சவாளி. ஆனால், இந்த தொடர் அவருக்கு பேர் கொடுக்கவில்லை என்று கூறப்படுகிறது. இதையடுத்து, சன் தொலைக்காட்சியில் ஒளிபரப்பான முந்தானை முடிச்சு என்ற தொடரின் மூலம் பிரபலமானவர் சீரியல் நடிகர் மானஸ் சவாளி. இந்த தொடரில் மாதவன் என்ற கதாபாத்திரத்தின் மூலம் தனது நடிப்புத்திறமையை வெளிப்படுத்தினார். இதைத் தொடர்ந்து வாணி ராணி என்ற தொடரில் ராதிகாவின் மகனாக சரவணன் என்ற கதாபாத்திரத்தில் நடித்தார்.

இதையடுத்து, மாப்பிள்ளை என்ற சீரியலில் எதிர்மறையான ஒரு கதாபாத்திரத்தில் தனது நடிப்புத் திறமையை வெளிப்படுத்தினார். தற்போது தேவதையைக் கண்டேன், மற்றும் அரண்மனை கிளி ஆகிய இரு தொடர்களிலும் நடித்து வருகிறார்.

இந்த நிலையில், கடந்த 10 வருடங்களாக காதலித்து வந்த தனது காதலி நீரஜா என்ற பெண்ணை திருமணம் செய்து கொண்டுள்ளார். சென்னையில் உள்ள பிரபல திருமண மண்டபத்தில் இவர்களது திருமணம் நடந்துள்ளது. பெற்றோர் சம்மதத்துடன் நடந்த இந்த திருமணத்தில் சின்னத்திரை பிரபலங்கள் பலரும் கலந்து கொண்டு மணமக்களை வாழ்த்தினர் என்பது குறிப்பிடத்தக்கது,