இனியா நடுத்தெருவில் சரணுடன் செஞ்சிருக்க காரியத்தை பாருங்க: பாக்யாவுக்கு தெரிஞ்சா என்னாகும்.?

பாக்கியலட்சுமி சீரியல் தற்போது பல கதை களத்துடன் ஒளிப்பரப்பாகி வருகிறது. ஒருபக்கம் பாக்கியலட்சுமியின் வாழ்க்கையில் பழனிச்சாமி வந்துள்ளார். இந்தப்பக்கம் கோபி, ராதிகா இடையில் டெய்லி ஒரு பிரச்சனை வெடித்து வருகிறது. மேலும் அப்பா வீட்டில் இருக்கும் இனியாவிற்கு தன்னுடன் டியூஷனில் படிக்கும் சரண் என்ற பையன் மீது கிரஸ் ஏற்படுகிறது.

விஜய் டிவியில் ஒளிப்பரப்பாகும் சீரியல்கள் அனைத்திற்கும் ரசிகர்கள் மத்தியில் நல்ல வரவேற்பு உள்ளது. அதிலும் குறிப்பாக ப்ரைம் டைமில் ஒளிப்பரப்பாகி கொண்டிருக்கும் இந்த சீரியலுக்கு குடும்ப பெண்கள் மத்தியில் அமோக வரவேற்பு உள்ளது. டிஆர்பி யிலும் 'பாக்கியலட்சுமி' சீரியல் டாப் ரேட்டிங்கில் உள்ளது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

கோபியை பிரிந்த பிறகு பாக்கியலட்சுமியின் வாழ்க்கை டாப் கியரில் சென்று கொண்டிருக்கிறது. கல்யாண ஆர்டர்கள் எடுத்து கலக்கி கொண்டிருக்கும் பாக்யா தற்போது கேண்டீன் ஆர்டர் டெண்டரையும் கைப்பற்றியுள்ளார். அதிலும் ராதிகாவின் பல சூழ்ச்சிகளையும் தாண்டி அவள் ஆபிசிலே தற்போது கேண்டீன் வைத்து நடத்தி வருகிறாள்.

கோபி தற்போது ராதிகாவுடன் வசித்து வரும் நிலையில் இனியாவும் அவர்கள் வீட்டிற்கு சென்றுவிட்டாள். புதிதாக டியூஷனுக்கு சேர்ந்துள்ள இவளுக்கு அங்கு தன்னுடன் படிக்கும் சரண் என்ற நண்பருடன் நட்புடன் பழகிறாள். இருவருக்கும் ஒருவர் மீது ஒருவருக்கு ஈர்ப்பும் உள்ளது. இந்நிலையில் தான் இனியாவும், சரணும் பழகுவதை பாக்கியலட்சுமி தெரிந்து கொள்கிறாள்.

பாக்யாவை அப்படி யோசிச்சாலே சிரிப்பா இருக்கே.. என்னம்மா ராதிகா இப்படி பண்றீங்களேம்மா.!

ஆனாலும் மகள் மீதுள்ள நம்பிக்கையால் சரணை வீட்டுக்கு அழைத்து பிரியாணி எல்லாம் சாப்பிட கொடுக்கிறாள் பாக்கியலட்சுமி. மகள் இனியாவிடமும் எனக்கு உன்மேல முழு நம்பிக்கை இருக்கு. இப்போதைக்கு படிப்பை தாண்டி உன் கவனம் வேற எதுலையும் போகக்கூடாது எனவும் கூறுகிறாள். இந்நிலையில் பாக்கியலட்சுமி சீரியலில் இனியாவாக நடித்து வரும் நேகா தனது இன்ஸ்டாகிராமில் பகிர்ந்துள்ள வீடியோ இணையத்தில் வைரலாக வருகிறது.

பாண்டியன் ஸ்டோர்ஸ்: நீ யாரு.? தம்பியை அடிக்க பாய்ந்த ஜீவா: கண் கலங்கி அழுத கதிர்..!

அதில் தன்னுடன் நடிக்கும் சரணுடன் இணைந்து நடுத்தெருவில் ரீல்ஸ் செய்து வெளியிட்டுள்ளார் நேகா. இவர்களின் இந்த காமெடி வீடியோ தற்போது சோஷியல் மீடியாவில் வைரலாகி வருகிறது. இந்த வீடியோவிற்கு ரசிகர்கள் இது மட்டும் பாக்யா அம்மாவுக்கு தெரிஞ்சா என்னாகும் என கிண்டலுடன் கமெண்ட் அடித்து வருகின்றனர்.