இவரும் பாக்கியலட்சுமி சீரியலை விட்டு போறாரா..?: அதிர்ச்சியில் ரசிகர்கள்..!

விஜய் தொலைக்காட்சியில் ஒளிப்பரப்பாகி வரும் பிரபலமான சீரியல் பாக்கியலட்சுமி. இந்த தொடரின் நாயகன் கோபி மனைவியை பிடிக்காமல் குடும்பத்திற்காக சகித்து கொண்டு வாழ்த்து கொண்டிருக்கிறான். அந்த சமயத்தில் சந்திக்கும் முன்னாள் காதலி மீது மீண்டும் காதல் துளிர்கிறது. இதற்காக கோபி செய்யும் தகிடு தத்தங்கள், குடும்பத்திற்காக ஓடி ஓடி உழைக்கும் பாக்யாவின் தியாகம் என விறுவிறுப்பாக நகர்ந்து கொண்டிருக்கிறது பாக்கியலட்சுமி சீரியல்.

தற்போது இந்த சீரியலில் பாண்டியன் ஸ்டோர்ஸ் குடும்பத்துடன் இணைந்துள்ள மெஹா சங்ககமம் ஒளிப்பரப்பாகி வருகிறது. கோபி அப்பாவின் 75 ஆவது பிறந்தநாளை கொண்டாட அனைவரும் ஒன்று கூடியுள்ளனர். இந்த விழாவிற்கு ராதிகாவையும் வீட்டிற்கு அழைத்துள்ளார் பாக்யா. இதனால் அடுத்து என்ன நிகழும் என்ற பரபரப்பான கட்டத்தை நோக்கி பாக்கியலட்சுமி சீரியல் நகர்ந்து கொண்டிருக்கிறது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்த சீரியலில் ஜெனி என்ற கதாபாத்திரத்தில் பாக்யாவின் அன்பு மருமகளாக நடித்து வருபவர் திவ்யா கணேஷ். அதே போல் அப்பாவுக்கு செல்ல மகளாகவும், அம்மாவின் பேச்சை கேட்காத இந்த கால டீனேஜ் பெண் கதாபாத்திரத்திலும் நடித்து அசத்தி வருபவர் நேகா மேனன். சமூக வலைத்தளங்களில் ஆக்டிவாக இருக்கும், இவர் பதிவிடும் பதிவுகள் இணையத்தில் வைரலாகி வருகிறது.

Baakiyalakshmi Serial: தனத்துடன் ராதிகா வீட்டிற்கு சென்ற பாக்யா.. வசமாக சிக்க போகும் கோபி..!

இந்நிலையில் நேகா தனது இன்ஸ்டாகிராம் பக்கத்தில் பாக்கியலட்சுமி சீரியலில் ஜெனி ரோலில் நடிக்கும் திவ்யா கணேசனுடன் எடுத்துக் கொண்ட புகைப்படத்தை பகிர்ந்து மிஸ் யூ என கேப்ஷன் கொடுத்திருந்தார். இதனை தொடர்ந்து திவ்யா கணேஷன் சீரியலை விட்டு விலகவுள்ளதாக செய்திகள் இணையத்தில் தீயாக பரவியது. ரசிகர்கள் மத்தியில் இந்த தகவல் அதிர்ச்சியை ஏற்படுத்தியுள்ளது.


இந்நிலையில் லேட்டஸ்ட் தகவலாக விஜய் டிவியில் புதிதாக ஒளிப்பரப்பாகும் தொடர் செல்லம்மா. இந்த சீரியலிலும் திவ்யா முக்கியமான ரோலில் நடிக்கிறார். இதன் படப்பிடிப்பிற்கு திவ்யா கிளம்பியதை குறிப்பிட்டே, நேகா மிஸ் யூ என குறிப்பிட்டு பதிவிட்டுள்ளார். இதனை நெட்டிசன்கள் தவறாக புரிந்து கொண்டதாகவும், பாக்கியலட்சுமி சீரியலில் இருந்து திவ்யா விலகவில்லை என்றும் தற்போது தகவல்கள் வெளியாகியுள்ளன.