பிக் பாஸ்
பிக் பாஸ் 5 தொடங்க போகிறது என்கிற செய்தி ரசிகர்களுக்கு பெரிய மகிழ்ச்சியை ஏற்படுத்தி இருக்கிறது. பிக் பாஸ் மிக தாமதமாக தொடங்கினாலும் எண்டர்டெயின்மெண்ட்டுக்கும் பஞ்சம் இருக்காது என ரசிகர்கள் எதிர்பார்த்து காத்திருக்கின்றனர்.
கமல் தொகுத்து வழங்க பிக் பாஸ் 5 வரும் அக்டோபர் 3ம் தேதி பிரமாண்டமாக தொடங்க.உள்ளது. அதில் போட்டியாளராக அவர் வருகிறார், இவர் வருகிறார் என சொல்லி தினமும் செய்திகள் வந்து கொண்டிருக்கிறது. அதை பட்டியலிட்டால் ஒரு பெரிய லிஸ்ட் வரும்.
ஜி.பி முத்து
பிக் பாஸ் பற்றிய செய்திகள் வர தொடங்கிய ஆரம்பக்கட்டத்திலேயே முதலில் குறிப்பிடப்பட்ட பெயர் ஜிபி முத்து தான். அவர் பிக் பாஸ் வீட்டின் முன்பு நின்று எடுத்த ஒரு போட்டோ இணையத்தில் வைரல் ஆனது.
பிக் பாஸுக்கு மட்டும் போய்டாதீங்க என ஒரு தரப்பு அட்வைஸ் செய்தது, நீங்க வந்தே ஆகணும் என மற்றொரு தரப்பினர் கேட்டனர். ஆனால் தற்போது தான் பிக் பாஸ் வரவில்லை என பேட்டி அளித்திருக்கிறார் .
நான் பிக் பாஸ் போகல
அது பற்றி அவர் கூறி இருப்பதாவது. "நான் பிக் பாஸ் போகல. எனக்கு பிக் பாஸ் பிடிக்கல. எனக்கு முதலில் அழைப்பு வரவே இல்லை. நான் பிக் பாஸ் வீட்டின் முன்பு நின்று எடுத்த போட்டோவை பார்த்து இப்படி வதந்தி பரப்பி இருக்கிறார்கள் என நினைக்கிறேன்."
என்னால் போன் இல்லாமல் இருக்க முடியாது. பிக் பாஸ் வீட்டுக்குள் 100 நாள் இருக்கும் அளவுக்கு பொறுமை, மனப்பக்குவம் எனக்கு இல்லை எனவும் கூறி உள்ளார் ஜிபி முத்து.