பாரதி கண்ணம்மா சீரியல் விரைவில் முடிகிறதா? இதையெல்லாம் கவனித்தீர்களா

பாரதி கண்ணம்மா சீரியல் டிஆர்பியில் தொடர்ந்து முன்னணியில் இருந்து வருகிறது. ரோஷ்ணி ஹரிப்ரியன் கண்ணம்மாவாக நடித்து வந்த நிலையில் அவர் சமீபத்தில் வெளியேறினார். அதற்குப் பிறகு டிஆர்பி குறையும் என அவரது ரசிகர்கள் சொல்லி வந்த நிலையில், புது கண்ணம்மா வந்த பிறகு நல்ல ரேட்டிங் கிடைத்துக்கொண்டிருக்கிறது என சீரியல் தயாரிப்பு நிறுவனம் இன்ஸ்டாகிராமில் தெரிவித்து இருந்தது.

இந்நிலையில் பாரதி கண்ணம்மா விரையில் முடியப் போகிறதா என அனைவரும் கேட்கும் வகையில் பல்வேறு விஷயங்கள் நடந்துகொண்டிருக்கிறது.

பாரதி கண்ணம்மா இருவரும் சேர்ந்து வாழவே மாட்டார்கள் என நனைத்துக்கொண்டிருந்தவர்களுக்கு எல்லாம் ஷாக் கொடுக்கும் விதமாக பாரதி தற்போது கண்ணம்மா வீட்டுக்கு சென்று தங்கி இருக்கிறார். மேலும் இத்தனை நாள் பாரதியை ஏமாற்றி வந்த வெண்பாவின் உண்மை முகமும் பாரதிக்கு தெரியவந்திருக்கிறது. அஞ்சலியை வெண்பா கொலை செய்ய பார்த்தது பற்றி பாரதிக்கு தெரியவந்ததால் அவர் கொந்தளிக்கிறார்.

இதை எல்லாம் பார்க்கும்போது பாரதி கண்ணம்மா கதை கிளைமாக்ஸ் நோக்கி நகர்ந்துகொண்டிருக்கிறது, பாரதி டிஎன்ஏ டெஸ்ட் எடுக்கவேண்டியது மட்டும் தான் பாக்கி என ரசிகர்கள் சமூக வலைதளங்களில் பேசி வருகின்றனர்.

சீரியல் முடியப்போகிறதா? என்ற கேள்வியை மேலும் வலுவாக்கும் விதமாக பாரதியாக நடித்து வரும் அருண் பிரசாத் தற்போது வடஇந்தியாவுக்கு டூர் சென்றிருக்கும் வீடியோவை வெளியிட்டு 'நீண்ட காலத்திற்கு பிறகு பாரதியை மறந்து நான் அருணாக இருக்க போகிறேன்' என குறிப்பிட்டு இருக்கிறார்.

அப்போ பாரதி கண்ணம்மா முடிந்துவிட்டதா என நெட்டிசன்கள் கேள்வி எழுப்பி வருகின்றனர்.