அந்த ஆபாச வீடியோவில் இருப்பது நான் இல்லை: பதறும் பிரபல டிவி நடிகை

கேரளாவை சேர்ந்தவர் ஜூஹி ரஸ்தகி. அவர் உப்பும் மிளகும் என்கிற தொலைக்காட்சி தொடரில் நடித்ததன் மூலம் பிரபலமானார். லட்சுமி என்கிற கதாபாத்திரத்தில் நடித்து ரசிகர்களை கவர்ந்தார். அந்த டிவி சீரியலில் இனி நடிப்பது இல்லை என்று ஜூஹி அண்மையில் அறிவிப்பு வெளியிட்டார். இந்நிலையில் ஆபாச வீடியோ ஒன்று சமூக வலைதளங்களில் வெளியாகி தீயாக பரவியது. அந்த வீடியோவில் இருக்கும் பெண் ஜூஹி தான் என்று பலரும் பேசத் துவங்கினார்கள்.

வீடியோ மட்டும் அல்ல சில ஆபாச புகைப்படங்களும் வெளியாகின. ஒரே நேரத்தில் ஜூஹியின் ஆபாச வீடியோவும், புகைப்படங்களும் வந்திருக்கிறதே என்று ரசிகர்கள் அதிர்ச்சி அடைந்தனர். இது குறித்து அறிந்த ஜூஹி கேரளா டிஜிபி மற்றும் எர்ணாகுளம் போலீஸ் கமிஷனர் ஆகியோரிடம் புகார் அளித்தார். மேலும் அந்த வீடியோ, புகைப்படங்கள் குறித்து ஜூஹி ஃபேஸ்புக், இன்ஸ்டாகிராமில் விளக்கம் அளித்துள்ளார்.

சமூக வலைதளங்களில் ஜூஹி கூறியிருப்பதாவது, என் பெயரில் சில போலி சோஷியல் மீடியா போஸ்ட் ஷேர் செய்யப்படுகிறது. அது நான் இல்லை. சுத்த போலியான வீடியோ. இது போன்ற செயலை செய்தவர்களை பார்த்து பாவப்படுகிறேன். மேலும் என் பெயரில் ஃபேஸ்புக்கில் போலி கணக்கு துவங்கப்பட்டுள்ளது. அதிலும் ஆபாச புகைப்படங்கள் அப்லோடு செய்யப்பட்டுள்ளது என்று தெரிவித்துள்ளார்.

போலீசில் புகார் அளித்துள்ள ஜூஹி கூறியதாவது, இது பற்றி விசாரணை நடந்து வருகிறது, தவறு செய்தவர்கள் விரைவில் கைது செய்யப்படுவார்கள் என்றார். அண்மையில் தான் பிக் பாஸ் 3 பிரபலம் லோஸ்லியாவின் போலி ஆபாச வீடியோ வெளியாகி வைரலானது. அந்த வீடியோவை பார்த்து லோஸ்லியா மனமுடைந்து போனதாக கூறப்பட்டது. இந்நிலையில் மேலும் ஒரு நடிகையின் போலி ஆபாச வீடியோ வெளியாகி வைரலாகியுள்ளது என்பது குறிப்பிடத்தக்கது.