VJ லோகேஷ் பாப்
பிரபல தொலைக்காட்சியில் காமெடியனாக, தொகுப்பாளராக இருந்து வந்தவர் விஜே லோகேஷ். அவர் ஆதித்யா டிவியில் 'அட டேய்' என்ற மிகவும் பாப்புலரான காமெடி காட்சிகளில் நடித்து வந்தார். மேலும் விக்னேஷ் சிவனின் நானும் ரௌடி தான் படத்தில் நடித்து இருந்தார் அவர்.
அதன் பின் நயன்தாராவின் கோலமாவு கோகிலா படத்திலும் அவர் நடித்து இருந்தார்.
ஸ்ட்ரோக்
சென்ற வருடம் லோகேஷுக்கு திடீரென ஸ்ட்ரோக் ஏற்பட்டு அவரது கை மற்றும் கால்கள் paralyse ஆன நிலையில் மருத்துவமனையில் சிகிச்சை பெற்று வந்தார்.
அவருக்கு சிகிச்சை அளிக்க அதிக அளவு பணம் தேவைபட்டதால் அவரது நண்பர்கள் பணம் திரட்டினார்கள். உதவி செய்யும் படி சமூக வலைத்தளங்களிலும் வீடியோ வெளியிட்டு கோரிக்கை வைத்தார்கள். முதல் அறுவை சிகிச்சை முடிந்தபிறகு அவர் ஓரளவு குணமாகி வந்தாலும், இரண்டாவது அறுவை சிகிச்சைக்கு அதிகம் நிதி தேவைப்பட்டது.
உதவிய விஜய் சேதுபதி
நானும் ரௌடி தான் படத்தில் இருந்து விஜய் சேதுபதிக்கு நண்பராக தான் லோகேஷ் இருந்து வந்திருக்கிறார். அவர் மருத்துவமனையில் சிகிச்சை பெற்று வருவது பற்றி அறிந்து விஜய் சேதுபதி நேரில் சென்று நலம் விசாரித்தார். மேலும் சிகிச்சைக்கான செலவை தான் ஏற்றுக்கொள்வதாகவும் அவர் வாக்குறுதி அளித்தார்.
அதன் பின் லோகேஷுக்கு மண்டை ஓடு மாற்று அறுவை சிகிச்சை நடந்தது. உயிர்பிழைத்த லோகேஷ் தற்போது நலமாக இருக்கிறார்.
நன்றி கூறிய லோகேஷ்
இந்நிலையில் தன் உயிரை காப்பாற்ற உதவிய விஜய் சேதுபதிக்கு நன்றி கூறும் விதத்தில் லோகேஷ் பாப் சமீபத்தில் அவரை நேரில் சந்தித்து இருக்கிறார். 'Thank you Makkal Selvan' என எழுதப்பட்டு இருக்கும் கேக்கையும் வெட்டி இருக்கிறார்கள்.
'வாழ்க லோகேஷ். நீண்ட ஆயுலும், நல்ல ஆரோக்கியத்துடன், எல்லோரையும் சந்தோசமாக சிரிக்க வைத்து கொண்டே இரு' என விஜய் சேதுபதி அவரை வாழ்த்தி இருக்கிறார்.
அப்போது எடுக்கப்பட்ட வீடியோவை லோகேஷ் இன்ஸ்டாகிராமில் வெளியிட்டு உள்ளார்.