திருமணத்தின் போது எழுந்த விமர்சனங்கள்: 4 ஆண்டுகள் கழித்து மணிமேகலையின் நச் பதிலடி!

சன் மியூசிக்கில் பிரபலமான வி.ஜே வாக திகழ்ந்தவர் மணிமேகலை. பின்னர் இவர் பல நிகழ்ச்சிகளை தொகுத்து வழங்கியுள்ளார். இவர் உசேன் என்பவரை காதல் திருமணம் செய்து கொண்டார். இந்நிலையில் தன்னுடைய திருமணத்தை ட்ரோல் செய்தவர்களுக்கு பதிலடி கொடுக்கும் விதமாக மணிமேகலை தனது திருமண நாளன்று பகிர்ந்துள்ள பதிவு ஒன்று இணையத்தில் வைரலாகி வருகிறது.

விஜேவாக இருந்து பின்னர் பிரபல தனியார் தொலைக்காட்சியில் தொகுப்பாளராக அறிமுகம் ஆனவர் மணிமேகலை. மக்கள் மத்தியில் பிரபலமான தொகுப்பாளினியான இவருக்கென்று தனி ரசிகர் பட்டாளமும் உள்ளது. இதனிடையில் மணிமேகலை, உசேன் இருவரும் நீண்ட காலமாக காதலித்து வந்தார்கள். இவர்களின் காதலுக்கு இருவீட்டாரும் சம்மதிக்காததால் பெற்றோர்களின் எதிர்ப்புகளை மீறி பதிவு திருமணம் செய்து கொண்டார்கள்.

அதன்பின்னர் இருவரும் தனியாக வசித்து வருகின்றனர். காதல் திருமணத்திற்கு பின் இருவரும் மதம் மாறி கொள்ளாமல், தங்களுக்கு பிடித்த முறையில் வழிபாட்டை தொடர்ந்து வருகின்றனர். இந்நிலையில் மணிமேகலை தங்களுடைய திருமண நாளை கொண்டாடும் விதமாக வீடியோ ஒன்றை தனது சமூக வலைத்தள பக்கத்தில் பகிர்ந்துள்ளார். இந்த பதிவு தான் தற்போது அனைவரின் கவனத்தையும் ஈர்த்து வருகிறது.

திடீரென வீட்டை விட்டு கிளம்பும் தனம்: சோகத்தில் பாண்டியன் ஸ்டோர்ஸ் குடும்பத்தினர்!

மணிமேகலை, உசேன் இருவரும் மதங்களை கடந்து திருமண பந்தத்தில் இணைந்ததால், இவர்களின் மண வாழ்க்கை குறித்து பலரும் நெகட்டிவ்வான கமெண்ட்களை பதிவிட்டிருந்தனர். இந்த எதிர்ப்புகளை மீறி இருவரும் திருமண வாழ்க்கையில் வென்றுள்ளதாக பதிவிட்டுள்ளார் மணிமேகலை. இந்த பதிவு தற்போது சோசியல் மீடியாவில் படு வேகமாக வைரலாகி வருகிறது.