PS 2: ரூ.300 கோடி வசூலை கடந்த 'பொன்னியின் செல்வன் 2': வெளியான மாஸ் அறிவிப்பு.!

தமிழ் சினிமாவின் பிரம்மாண்ட ரிலீசாக வெளியான படம் 'பொன்னியின் செல்வன்'. இதன் முதல் பாகத்திற்கு கிடைத்த அமோக வரவேற்பை தொடர்ந்து அண்மையில் இரண்டாம் பாகம் வெளியானது. முதல் பாகத்திற்கு மிகப்பெரிய எதிர்பார்ப்பு நிலவிய நிலையில் இரண்டாம் பாகத்திற்கு அந்தளவு எதிர்பார்ப்பு நிலவவில்லை. இந்நிலையில் சமீபத்தில் ரிலீசான 'பொன்னியின் செல்வன்' இரண்டாம் பாகத்தின் வசூல் குறித்த தகவல்கள் வெளியாகியுள்ளன.

கடந்த மாதம் 28 ஆம் தேதி 'பொன்னியின் செல்வன் 2' திரையரங்குகளில் ரிலீசானது. முதல் பாகம் கடந்த வரும் செப்டம்பர் மாதம் வெளியாகி ரசிகர்கள் மத்தியில் அமோக வரவேற்பை பெற்றது. வசூலிலும் இந்தப்படம் மிகப்பெரிய சாதனை படைத்தது. இதனையடுத்து தற்போது இரண்டாம் பாகம் வெளியாகியுள்ளது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

கல்கி எழுதிய பிரபலமான நாவல் 'பொன்னியின் செல்வன்'. தமிழ் வாசகர்கள் மத்தியில் பிரபலமான இந்த நூலை படமாக்க திரையுலகை சார்ந்த பலரும் விரும்பினார்கள். ஆனால் எதிர்பார்த்ததை போல் யாராலும் இந்த நாவலை படமாக்க இயலவில்லை. இந்நிலையில் தான் தமிழ் சினிமாவை சார்ந்த பலரின் கனவை நனவாக்கும் விதமாக 'பொன்னியின் செல்வன்' நாவலை படமாக்கியுள்ளார் மணிரத்னம்.

'பொன்னியின் செல்வன்' நாவலை இரண்டு பாகங்களாக படமாக்கினார் மணிரத்னம். மிகப்பெரிய பொருட்செலவில் தயாரான இந்தப்படத்தை லைகா மற்றும் மெட்ராஸ் டாக்கீஸ் நிறுவனங்கள் இணைந்து தயாரித்தன. விக்ரம், ஜெயம் ரவி, கார்த்தி, ஐஸ்வர்யா ராய், திரிஷா, பிரகாஷ் ராஜ், சரத்குமார், பார்த்திபன், ஐஸ்வர்யா லட்சுமி, லால், ரகுமான் உள்ளிட்ட மிகப்பெரிய நட்சத்திர பட்டாளங்கள் இந்தப்படத்தில் இணைந்து நடித்தனர்.

Lal Salaam: இஸ்லாமியராக மாறிய ரஜினி: மொய்தீன் பாய் ஆட்டம் ஆரம்பம்.!

இந்நிலையில் 'பொன்னியின் செல்வன் 2' படம் வெளியான முன்றே நாளில் 100 கோடி வரை வசூலித்தது. இதனையடுத்து படம் வெளியாகி பத்து நாட்கள் கடந்துள்ள நிலையில் தற்போது உலகம் முழுவதும் ரூபாய் 300 கோடி வரை வசூலித்துள்ளதாக லைகா நிறுவனம் அதிகாரப்பூர்வமாக அறிவித்துள்ளது. இதனால் விரைவில் இந்தப்படத்தின் வசூல் 500 கோடியை எட்டும் என எதிர்பார்க்கப்படுகிறது.


'பொன்னியின் செல்வன்' முதல் பாகத்தை விட இரண்டாம் பாகத்திற்கு ஏகப்பட்ட நெகட்டிவ் விமர்சனங்கள் குவிந்தன. குறிப்பாக நாவலில் உள்ள பலவற்றை மணிரத்னம் மாற்றியுள்ளதாகவும், ஆதித்ய கரிகாலனின் கதாபாத்திரம் தற்கொலை செய்து கொண்டு இறப்பதை போன்று காட்சிப்படுத்தியுள்ளதை ஏற்க முடியாது என்றும் கடுமையாக விமர்சனங்கள் எழுந்தன. இந்த நெகட்டிவ் விமர்சனங்களை எல்லாம் தாண்டி 'பொன்னியின் செல்வன் 2' வசூலில் பட்டையை கிளப்பி வருவது குறிப்பிடத்தக்கது.

Leo: 'லியோ' படத்தில் இணைந்த மற்றொரு பிரபல நடிகை: லிஸ்ட் பெரிசாகிட்டே போகுதே.!