திருமணமாகி 8 ஆண்டுகளுக்கு பின் குட் நியூஸ் சொன்ன செந்தில் - ஸ்ரீஜா: குவியும் வாழ்த்துக்கள்.!

விஜய் டிவியில் ஒளிப்பரப்பான 'சரவணன் மீனாட்சி' தொடரின் மூலம் ரசிகர்கள் மத்தியில் பிரபலமானவர்கள் மிர்ச்சி செந்தில் - ஸ்ரீஜா. ரீல் ஜோடியான இவர்கள் கடந்த 2014 ஆம் ஆண்டு காதலித்து திருமணம் செய்து கொண்டனர். இந்நிலையில் தனது மனைவியின் வளைகாப்பு புகைப்படத்தை பகிர்ந்துள்ளார் மிர்ச்சி சிவா.

பிரபல ரேடியோ ஜாக்கியான 'மிர்ச்சி' செந்தில், திரைப்படங்கள் மற்றும் சீரியல்கள் மூலமாகவும் மிகவும் பிரபலமானவர். அதிலும் குறிப்பாக விஜய் டிவி தொலைக்காட்சியில் ஒளிபரப்பான நெடுந்தொடரான சரவணன் மீனாட்சி சீரியல் மூலம் இவருக்கும், ஸ்ரீஜாவுக்கும் மிகப்பெரிய ரசிகர்கள் பட்டாளம் உருவானது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

ரீல் ஜோடியாக ரசிகர்களின் மனங்களை கவர்ந்த இவர்கள் நிஜத்திலும் காதலித்து திருமணம் செய்து கொண்டனர். திருமணத்திற்கு பின்னரும் 'மாப்பிள்ளை' சீரியலில் இருவரும் இணைந்து நடித்தனர். மேலும் கல்யாணம் கண்டிஷன்ஸ் அப்ளை என்ற வெப் சீரிஸிலும் இருவரும் இணைந்து நடித்து வந்தனர்.

இந்நிலையில் திருமணமாகி 8 ஆண்டுகள் கழித்து ஸ்ரீஜா தற்போது கர்ப்பம் ஆகியுள்ளார். அவருக்கு வளைகாப்பு நடந்து முடிந்துள்ளது. இந்த போட்டோக்களை செந்தில் தனது இன்ஸ்டாகிராமில் மிகவும் மகிழ்ச்சியுடன் பகிர்ந்துள்ளார்.

Baakiyalakshmi Serial: இராமமூர்த்தி கழுத்தை பிடித்து வெளியே தள்ளிய கோபி: கை கூப்பி கெஞ்சிய பாக்யா.!

"நாங்கள் விரைவில் பெற்றோராக போகிறோம். எங்களுக்காக பிரார்த்தனை செய்யுங்கள் என செந்தில் கேட்டுக் கொண்டுள்ளார் செந்தில். இணையத்தில் வைரலாகும் இந்த வளைகாப்பு புகைப்படங்களை தொடர்ந்து ரசிகர்கள் செந்தில் - ஸ்ரீஜா தம்பதியினருக்கு வாழ்த்து தெரிவித்து வருகின்றனர்.