ஜாங்கிரி மதுமிதாவிற்கு கிடைத்த முதல் அதிர்ஷ்ட வாய்ப்பு: தூள் கிளப்ப வெயிட்டிங்!

கமல் ஹாசன் தொகுத்து வழங்கும் பிக் பாஸ் 3 நிகழ்ச்சியில் காமெடி நடிகை ஜாங்கிரி மதுமிதா கலந்து கொள்ள ஒப்பந்தம் செய்யப்பட்டுள்ளார்.

அரசியல் களத்தைத் தொடர்ந்து தற்போது பிக் பாஸ் 3 நிகழ்ச்சியில் கமல் ஹாசன் ரொம்ப பிஸியாக இருக்கிறார். விரைவில் தொடங்கவுள்ள இந்நிகழ்ச்சியில் யாரெல்லாம் கலந்து கொள்ள இருக்கிறார்கள் என்ற பட்டியல் தொடர்ந்து கூடிக் கொண்டே இருக்கிறது.

இதில், திருநங்கை சாக்‌ஷி, ஸ்ரீரெட்டி, ஆல்யா மானஸா, எம்.எஸ்.பாஸ்கர், சாக்‌ஷி, ஜூலி, லைலா, சாந்தினி தமிழரசன், சுதா சந்திரன், மிருணாளினி, கஸ்தூரி, விசித்ரா, ராதாரவி, வி ஜே ரம்யா, பூனம் பாஜ்வா, ரமேஷ் திலக், மாடல் பாலாஜி, பிரேம்ஜி, ஸ்ரீமந்த், சந்தானபாரதி, பாடகர் கிருஷ் ஆகியோர் பலர் கலந்து கொள்ளயிருப்பதாக கூறப்பட்டது.
இந்த நிலையில், பிக் பாஸ் வீட்டிற்குள் செல்லும் முதல் போட்டியாளராக ஜாங்கிரி மதுமிதா ஒப்பந்தம் செய்யப்பட்டுள்ளார். இவர், ஓகே ஓகே படத்தில், சந்தானத்திற்கு ஜோடியாக நடித்துள்ளார். இவ்வளவு ஏன் சின்னத்திரையில் லொள்ளு சபா, மாமா மாப்ளே, பொண்டாட்டி தேவை, அத்திப்பூக்கள், அழகி, மை நேம் இஸ் மங்கம்மா, மடிப்பாக்கம் மாதவன், காமெடி ஜங்கன், சின்ன பாப்பா பெரிய பாப்பா சீசன் 3 ஆகிய நிகழ்ச்சிகளில் நடித்துள்ளார்.

கடந்த பிப்ரவரி மாதம் 18ம் தேதி அவரது உறவினரான மோசஸ் என்பவரை திருமணம் செய்து கொண்டார். தற்போது திருமணமாகி 3 மாதங்கள் ஆன நிலையில், கணவரை விட்டு பிரிந்து 3 மாதங்கள் பிக் பாஸ் 3 நிகழ்ச்சியில் கலந்து கொள்ள இருக்கிறார். இதையடுத்து, எப்படி கணவரை பிரிந்து, நிகழ்ச்சியில் கலந்து கொண்டு தாக்குப்பிடிப்பாரா என்பது நிகழ்ச்சிக்கு வந்த பிறகு தெரியவரும் என்பது குறிப்பிடத்தக்கது.