பாண்டியன் ஸ்டோர்ஸ் செட்டில் கதிரின் பிறந்தநாள் கொண்டாட்டம் - வைரலாகும் வீடியோ

பாண்டியன் ஸ்டோர்ஸ் சீரியல் பற்றி அறியாத சின்னத்திரை ரசிகர்கள் யாரும் இருக்க முடியாது என்கிற அளவுக்கு மிகப்பெரிய அளவில் பாப்புலர் ஆன தொடராக இருந்து வருகிறது.

இந்த சீரியலில் நடித்து வரும் நடிகர்களுக்கும் எக்கச்சக்க ரசிகர்கள் இருக்கிறார்கள். குறிப்பாக கதிர் - முல்லை ஜோடிக்கு மிக அதிகமான ரசிகர் கூட்டம் இருக்கிறது. முல்லை கதாபாத்திரத்தில் நடித்து வந்த சித்ரா தற்கொலைக்கு பிறகு தற்போது காவியா அந்த ரோலில் நடித்து வருகிறார்.

பாண்டியன் ஸ்டோர்ஸ் சீரியலில் கதிர் என்ற கதாபாத்திரத்தில் நடித்து வருபவர் குமரன். அவருக்கும் அதிகம் ரசிகர்கள் இருக்கிறார்கள். சமீபத்தில் அவர் பாண்டியன் ஸ்டோர்ஸ் சீரியலை விட்டு விலகிவிட்டார் என்று கூட செய்திகள் பரவியது.

ஆனால் அது வதந்தி என நிரூபிக்கும் விதமாக அவர் மீண்டும் ஷூட்டிங்கில் பங்கேற்ற புகைப்படம் மட்டும் வீடியோக்களை இன்ஸ்டாகிராமில் வெளியிட்டு இருந்தார். அதனால் ரசிகர்கள் நிம்மதி பெருமூச்சு விட்டார்கள்.

இந்நிலையில் இன்று குமரனின் பிறந்தநாள் என்பதால் ஷூட்டிங் ஸ்பாட்டில் அதை மிகவும் சிறப்பாக கேக் வெட்டி கொண்டாடி இருக்கிறார்கள். குமரனின் மனைவி மற்றும் குழந்தையும் பிறந்தநாள் கொண்டதிற்காக செட்டுக்கு வந்திருக்கிறார்கள்.

பிறந்தநாள் கொண்டாட்ட வீடியோ தற்போது இணையத்தில் வைரல் ஆகி வருகிறது.