6 படங்களை ஓரங்கட்டிவிட்டு பிக் பாஸ் சீசன் 2ல் களமிறங்கும் பிரபல நடிகை!

சினிமா வாய்ப்பு இல்லாமல் நடிகைகள் பலரும் தவித்து வரும் நிலையில், பிரபல நடிகை சாந்தினி தமிழரசன் 6 படங்கள் கையில் இருந்தும் அதனையெல்லாம் ஒதுக்கி வைத்துவிட்டு பிக் பாஸ் தமிழ் சீசன் 3ல் களமிறங்க உள்ளார் என்று கூறப்படுகிறது.

பொதுவாக சினிமா வாய்ப்பு கிடைக்க பலரும் போட்டி போட்டுக் கொண்டிருக்கும் நிலையில், நடிகைகள் பலரும் சமூக வலைதளங்களில் அடிக்கடி தங்களை வெளிக்காட்டி வருகின்றனர். ஆம், தங்களது புகைப்படங்களை பதிவிட்டும், தமிழகத்தில் நிலவும் அரசியல் சூழல் பற்றியும் கருத்து தெரிவித்து சினிமா வாய்ப்பு பெற்று வருகின்றனர்.

ஒரு சிலர், தங்களது கிளாமரைக் காட்டி சினிமா வாய்ப்பு பெறுவதாக கூறப்படுகிறது. இப்படியிருக்கும் போது, சித்து பிளஸ் 2 படத்தின் மூலம் சினிமாவில் அறிமுகமான நடிகை சாந்தினி தமிழரசன் கையில் 6 படங்கள் இருந்தும், அதனையெல்லாம் ஓரங்கட்டிவிட்டு பிக் பாஸ் சீசன் 3 நிகழ்ச்சிக்கு வரவுள்ளார்.

சித்து பிளஸ் 2 படத்தைத் தொடர்ந்து நான் ராஜாவாக போகிறேன், வில் அம்பு, நய்யப்புடை, கண்ணுல காச காட்டப்பா, என்னோடு விளையாடு, பாம்பு சட்டை என்று வரிசையாக பல படங்களில் நடித்துள்ளார். தற்போது, வணங்காமுடி, நான் அவளை சந்தித்த போது, கறிசோறு, ஆலியா, நந்து என் நண்பன், பற என்று பல படங்களில் பிஸியாக நடித்து வருகிறார். அச்சமில்லை அச்சமில்லை, தோலர் தேசம், பல்லாண்டு வாழ்க ஆகிய படங்கள் தாமதமாகியுள்ளது.

இப்படி பல படங்கள் கையில் இருந்தாலும், பிக் பாஸ் சீசன் 3 நிகழ்ச்சியில் கலந்து கொள்ள ஆர்வம் காட்டி வருவதாக கூறப்படுகிறது. ஏற்கனவே பிக் பாஸ் போட்டியாளர்கள் பெயரில் சாந்தினி தமிழரசன் பெயர் அடிபட்டு வரும் நிலையில், அவர் கலந்து கொள்ள இருப்பதாக கூறப்படுகிறது. ஆனால், அதிகாரப்பூர்வ அறிவிப்பு விரைவில் வெளிவரும் என்று எதிர்பார்க்கப்படுகிறது. வரும் 23ம் தேதி பிக் பாஸ் சீசன் 3 நிகழ்ச்சி தொடங்கப்பட இருப்பதாக கூறப்படுகிறது.