கேம் ஷோவில் இத்தனை ஆபாசமா? பிரபல டிவியை கிழித்து தொங்கவிடும் பார்வையாளர்கள்!!

பிரபல தமிழ் தொலைக்காட்சி ஒன்றில் ஒளிபரப்பாகும் கேம் ஷோவில், ஆபாச நடனத்தை அரங்கேற்றி, பார்வையாளர்களை முகம் சுழிக்க வைத்துள்ளனர்.

இந்தியாவில் பிரபலமாக இருக்கும் டிவி குழுமத்திற்கு, பல்வேறு மொழிகளிலும் சேனல்கள் செயல்பட்டு வருகின்றன. அவை பொழுதுபோக்கை மட்டுமே மையமாக வைத்துள்ளன. அவற்றில் சமூக பிரச்சனைகள் எதுவும் பெரும்பாலும் விவாதிக்கப்படுவது கிடையாது.

அந்த வகையில், அந்தக் குழுமத்தின் தமிழ் தொலைக்காட்சி, தமிழகத்தில் முன்னணி தொலைக்காட்சிகளில் ஒன்றாக இருந்து வருகிறது. அதில் ஒளிபரப்பாகும் கலக்கப்போவது யாரு, சூப்பர் சிங்கர், உங்களில் யார் அடுத்தப் பிரபுதேவா, அது இது எது உள்ளிட்ட பொழுதுபோக்கு நிகழ்ச்சிகள் பார்வையாளர்கள் மத்தியில் நல்ல வரவேற்பைப் பெற்றுள்ளன. இருப்பினும், அதில் வரும் இரட்டை அர்த்த வார்த்தைகளும், ஆபாசமான பேச்சுகளும் சில நேரங்களில் பெரியவர்களைக் கூட முகம் சுளிக்க வைத்து விடுகிறது.

இப்போது, அதையும் தாண்டி, அந்தச் சேனலில் ஞாயிற்றுக்கிழமை மதியம் ஒளிபரப்பாகும் சகள Vs ரகள என்ற கேம் ஷோவில், ஆபாச நடனத்தையே அரங்கேற்றியுள்ளனர். இதற்கு பார்வையாளர்கள் பலரும் கண்டனங்களைத் தெரிவித்து வருகின்றனர்.

டிஆர்பிக்காக தொலைக்காட்சிகள் செய்யும் சில செயல்கள், சிறுவர்களையும் பாதிப்பதால், தொலைக்காட்சி நிறுவனங்கள் பொறுப்புடன் செயல்பட வேண்டும் என பார்வையாளர்கள் கருத்துத் தெரிவித்துள்ளனர்.