பொசுக்குனு டிடி-க்கு லவ் புரபோஸ் பண்ண பிரஜன்; கண்ணீரில் மூழ்கிய சின்னத்திரை பிரபலங்கள்!

சின்னத்திரை தொகுப்பாளினிகள் பட்டியலை எடுத்துக் கொண்டால், அதில் முதன்மையான இடத்தில் இருப்பவர் திவ்ய தர்ஷினி. இவரை டிடி என்றும் அழைக்கின்றனர். விஜய் டிவியில் தொடர்ந்து 20 ஆண்டுகளாக பணியாற்றி சாதனை படைத்துள்ளார்.

இவரது நிகழ்ச்சிகளைக் காண ரசிகர்கள் மிகுந்த ஆர்வத்துடன் இருப்பர். தற்போது விஜய் டிவியில் “எங்கிட்ட மோதாதே” சீசன் 2வை தொகுத்து வழங்கி வருகிறார். இதில் அந்த தொலைக்காட்சியின் சீரியல் நடிகர், நடிகைகள் கலந்து கொண்டு, பல்வேறு போட்டிகளில் பங்கேற்பர்.

வெற்றி பெறுபவர்களுக்கு பரிசுகள் வழங்கப்படும். இந்நிலையில் சமீபத்தில் ‘சின்னதம்பி’, ‘சிவா மனசுல சக்தி’ ஆகிய சீரியல்களின் நடிகர், நடிகைகள் பங்கேற்றனர். அப்போது ‘சின்னதம்பி’ சீரியல் கதாநாயகன் பிரஜன், டிடியிடம் காதலை வெளிப்படுத்துவது போன்று நடித்துக் காட்டினர்.

இது மிகவும் தத்ரூபமாக அனைவரையும் பெரிதும் கவர்ந்தது. இதையடுத்து அங்கிருந்த நடிகர், நடிகைகள் மேடை ஏறி, இருவரையும் கட்டி அணைத்து, கண் கலங்கி பாராட்டினர்.

இதுகுறித்து பேசிய டிடி, நீண்ட காலமாகவே இதுபோன்ற விஷயத்தை அரங்கேற்ற நினைத்திருந்தோம். ஆனால் பல்வேறு காரணங்களால் தள்ளிப் போனது. தற்போது அது நிறைவேறி இருப்பது மகிழ்ச்சி அளிப்பதாக கூறினார்.