பழைய நிலைக்கு திரும்பிய ரைசா வில்சன்.. போட்டோ பார்த்து நலம் விசாரிக்கும் ரசிகர்கள்

விஜய் டிவியில் ஒளிபரப்பான பிக் பாஸ் முதல் சீசனில் போட்டியாளராக கலந்து கொண்டவர் ரைசா வில்சன். அதற்கு முன்பு அவர் வேலையில்லா பட்டதாரி 2 படத்தில் கஜோலின் அசிஸ்டெண்ட் ஆக நடித்து இருப்பார். ஆனால் அவர் வரும் காட்சிகள் சில நொடிகள் மட்டுமே படத்தில் இருக்கும்.

அதற்குப் பிறகு ஹீரோயினாக அறிமுகமானார் அவர். பியார் பிரேமா காதல் என்ற படத்தில் ஹரிஷ் கல்யாண் ஜோடியாக நடித்தார் அவர். அந்த படம் பெரிய வெற்றி பெற்று ஹிட்டானது. அதற்குப் பிறகு தற்போது பல படங்களில் அவர் நடித்து வருகிறார்.

இந்நிலையில் சமீபத்தில் ரைசா வில்சன் முகத்தில் ஃபேசியல் செய்ய ஒரு மருத்துவரிடம் சென்ற போது அவர் தவறான சிகிச்சை அளித்ததால் முகத்தில் வீக்கம், தழும்பு ஏற்பட்டு இருந்தது. அந்த மருத்துவர் மீது சட்ட நடவடிக்கை எடுக்கப்போவதாக ரைசா கூறினார். ஒரு கோடி ரூபாய் நஷ்டஈடு கேட்டு வழக்கு தொடர்ந்திருக்கிறார் ரைசா வில்சன். அதேபோல அந்த டாக்டரும் ரைசாவுக்கு பதிலடி கொடுத்து வந்தார்.

இந்த பிரச்சனை மிகப்பெரிய அளவில் பேசப்பட்ட நிலையில் தற்போது ரைசா முகத்தில் இருக்கும் தழும்புகள் மறைந்து பழைய நிலைக்கு மாறி இருக்கிறார். அதை பார்த்து வியந்த நெட்டிசன்கள் மீண்டும் ரைசா அதே அழகுக்கு திரும்பி விட்டார் என கூறி கமெண்ட் செய்து வருகிறார்கள்.

ரைசாவின் லேட்டஸ்ட் புகைப்படம் தற்போது இணையத்தில் வைரலாகி வருகிறது. இதோ..