ஹெல்மெட் போடுங்க
அந்த பாட்டிலை மாற்றுவதற்காக சரவணன் மற்றும் சந்தியா இருவரும் வண்டி எடுத்துக் கொண்டு கடைக்கு போகின்றனர். போகும் வழி போலீஸ் இருப்பதை பார்த்த சரவணன் வண்டியை திருப்புகிறார். மாற்றுப்பாதையில் அவர் செல்லும்போது ஹெல்மெட் போட்டால் காற்று வராது என சொல்கிறார்.
ஹெல்மெட் போட்டால் நமக்கு தான் பாதுகாப்பு, நாம் சரியாக இருந்தால் போலீசை பார்த்து பயப்பட வேண்டியதில்லை என சந்தியா அவருக்கு அட்வைஸ் செய்கிறார்.
அதற்கு பிறகு அவர்கள் கடைக்கு சென்று அந்த பாட்டிலைமாற்றி கொள்கின்றனர். அந்த நேரத்தில் சரவணனின் நண்பர் ஒருவர் வந்து பேசுகிறார். அப்போது சந்தியா வேகமாக அருகில் இருக்கும் கடைக்கு சென்று ஒரு ஹெல்மெட்டை வாங்கி வந்து சரவணனுக்கு கிப்ட்டாக கொடுக்கிறார். இதை எப்போதும் வண்டி ஓட்டும் போது அணிந்து கொள்ளுங்கள் என்று அன்பு கட்டளை போடுகிறார். சரவணனும் அதை போட்டுக் கொண்டு வண்டி ஓட்டி வருகிறார். போலீஸ் அவர்களை நிறுத்தாமல் அனுப்பி வைக்கிறது. (Pic Credits: Hotstar)
சந்தியா மீது குறை சொல்லும் செந்தில்
சந்தியா ஒரு ஹார்லிக்ஸ் பாட்டில் வாங்குவதற்காக கோர்ட்டுக்கு போவதாக சொன்னதை பற்றி அம்மாவிடம் செந்தில் பேசுகிறார். இதை பார்க்கும்போது சந்தியாதான் உங்களை போலீஸ் ஸ்டேஷன் வரை கொண்டு சென்று நிற்க வைத்திருப்பார் என உறுதியாக சொல்ல முடியும் என அவர் கூறுகிறார்.
சிவகாமி செந்திலை திட்டி அனுப்புகிறார். உனக்கும் உன் மனைவிக்கும் சந்தியா மீது அப்படி என்ன தான் வெறுப்பு என சிவகாமி கேட்கிறார்
அர்ச்சனாவின் மாத்திரையை கண்டுபிடிக்கும் சிவகாமி
அர்ச்சனா சமையல்கட்டில் வேலை செய்து கொண்டிருக்கும் போது அவர் வைத்திருக்கும் மாத்திரைகளை கீழே விழுகின்றன. அது என்ன மாத்திரை என பார்த்து சொல்லும்படி பார்வதியை அழைக்கிறார். பார்வதியும் தெரியவில்லை என சொல்ல, பெயரை வைத்து போனில் பார் என்ன சொல்கிறார் சிவகாமி.
அர்ச்சனா இதை எல்லாம் பார்த்து அதிர்ச்சியாகி ஓரமாக ஒளிந்து கொண்டு வேடிக்கை பார்த்துக் கொண்டிருக்கிறார். அது என்ன மாத்திரை என்பதை வைத்து இந்த வாரம் பெரிய பிரச்சனையே ராஜா ராணி 2 வீட்டுக்குள் நடக்கப்போகிறது என்பது மட்டும் தெரிகிறது. அனேகமாக அது சந்தியாவின் மாத்திரை என்று தான் பிரச்சனை திரும்ப போகிறது என்று எதிர்பார்க்கப்படுகிறது. பொறுத்திருந்து பார்ப்போம்.